هنا

[فقار الكرخي]

محطة وناس
غربة اعله الوطن والليل
دم وخوف
من ترست جثثنا الگاع صلى الهيل
عراقين مكتوبنه ما نرتاح
سلام الله اعله جنسيتي الخذاها الشيب
سلام الله اعله جرحي المايريد يطيب






يا وطن ،
چا ماحچيت ،؟

ليش خليت العطش يرتوي بـ دمنا ،؟

ليش بايعنه ورد ،
چا ما تشمنا ،؟

خاب من كونك حـرب تيه عمرنا

هواي غنينا أ.من أسامينا لـ حصادك

هواي سبلنا لـ حياطينك زلم ،
سكت حدادك







سلاما ياهلي..
اشما شبّت النار
سلاما ع الخيم...
وطفوف ذي قار





وطن
بيك الذيول هواي
وشويه اليحبونك

وطن
ما جابهم طاريك
ولايردون يفدونك

وطن
نزلهم أعلى الگاع
موهدلن ترى متونك





يايمه الوطن يدري بشبابي يضيع
بس مو بيده مثلج شالته الغيره .
وشرف كلمن بجت يايمه ماطخ راس
لحد ما ارجع بتابوتي للديره ..




حَطب ثورة،...
احترگ بس كون تدفون.




كافي شكد نضل ننباگ وبواهس،،

الصبح نسگيهن وبالليل....
يجي ايلملمهن الحارس،،

عشنة بخير_ جوعانين_ مثل العش

عاش بنص خضار وماي
بس كضة العمر يابس،،،





صار شوك التربه باهت
والجوامع فاهيه بـ عين السكاره

وخوفي ..
لا يرخص الدين
وربكم أيصبح خساره

بـ يا حلم
ضيعت عينك

بـ يا بخت
جرحك تنينك

خذو من گلبك گصيبه
وقشمروك بــ حاسبينك

[sawsanmahmoud]

اشعار شعبية جميلة
شكرا فقار

[صفاء العامري]

شكرا فقار على نقل الاشعار