هنا

[فقار الكرخي]

احس روحي نشاز ابلاك
شذرة بثوب
لمّن توگع اينّشز..
يالعشگك ترس طيفي..
ترس وجهي..
شبعد من عندة روحي تفز؟
عزيزي انتة..
وابد لا تظن گلبي بيوم غيرك يا عزيز ايعز
الضِمة دم بشراييني
اريد اروة
اريد اتكحل بشوفة صبح وجهك
يبعد ارسومنا الحلوة
صرنالك شعر ، واكتاب ، وامتاع
ودعة وغنوة

هني اغيابك عسة ترد منة سالم شوگ
لا تحتار يمهنّة
سلوة الدمع بمجافاك ظلّ النة
وگمت ما سولفك لله
شيردلياك؟
خردل بين طن اتراب ضاعلنة
شيردلياك؟
حزني اعليك چن سلسال
ونّة اتچلب ب ونّة..

يبعد اچفوفنا الگظتها تكتبلك
فراغ العمر من دونك
فراغ بدنيتي، بگلبي،
بأصابيعي
لأن ماشوفن اعيونك ..

بعدني ابلاك اطوف الوّد
ادوّر عن مراسيلك
بعدها اعيوني ما هملت تفاصيلك
بعدها ومن افز غبشة
الخضار البيها مسگي بفيض گد ما عيني تبچيلك
بعدك ما مدليها اعلة نسيانك
بعدك ما مدليني..
اروح ليا كتر بالطيف ويذبني اعلة بيبانك
بعدك ما زغر طرواك ،
كبر شبسرعة هجرانك؟

وتظل روحي تلوب اعليك واتنطر
واگولن مثلي ما جايس اعيونك نوم
اگولن مثلي يتحسر
تحز بية الليالي الباردة ابلياك
تحز واتوچة الك واسهر
امعيبر ليلنا وشايل بظهرة الشوگ
معبر ينگل بمعبر
رمش باچين شوگي
امبلل، ومطبوگ، وامكتر

صدگ مالك بروحي اعتاب؟
صدگ ننتهي وچفك ما يدك الباب؟
هذا آخر وجع للروح؟
حاچيني الهوة چذاب
سولفلي الدمع چذاب
رد لية القدر چذاب
بس انتة الصدگ بيهن..
ي احبيّبي البچي خلّف ابعيني اصواب
شبدر من السمة ؟ خاطر ..
يشبعها گمرنا اغياب؟

.
.
الخ..











فرح حسن

[سمراء من قوم عيسى]

شكرا ع الانتقاء

[صفاء العامري]

شكرا ورد