الناصرية :-

مثل كل شجرها عدها اغصان
عندي اغصان

ومثل كل جذر يمتد جاي اتمدد

الجذر يمتد يكض الگاع
وانه الگاع كلها بجذري معگودة

گبل ما يگعد التاريخ من نومه
چنت موشومة بزنوده

اول ما وگف ظالم بهاي الگاع
انه الماي اليشح ع الظلم حد ما يبست عوده

انه اول كلمة بالتاريخ والبعدي حچي عابر
انه اول من يحط روحه ثواب لجبرة الخاطر

انه ام الكون و اول فيض
وانه الينهي الحچي من يمر طاري الغيض

انه ام اليتامة الترست الشارع
انه ام الغريب الحاير الضايع

انه الگاع
من يحتاجلك مرسى

واذا تحتاج
اصير شراع










مرتضى الحمد