هنا

[انثى مخمليةة]

توقعات برج الحمل اليوم الجمعة 31 يناير 2020 ماغي فرح

الحمل ♈
يوم إيجابي لإشراق وتفاؤل ولتجديد أجواءك وإعتماد طرق جديدة بالتفكير والنمط ، فأنت تخرج من روتينك وتعدل بعض التفاصيل اليومية.

مهنياً:تحسن مالي والحظ بساعدك وعم تنجح بأعمال كانت مؤجلة دعم وتحرك بيومك وبتحقق نجاح نطرتو عم تبرز مواهبك بالعمل وانت بيوم افضل لتغييرات وتلاقي انفراج وتطور طاقتك ايجابية حلول لعدة مشاكل وعقبات كانت عندك وعلاقاتك الاجتماعية افضل زيارات وتنقلات وسفرة قصيرة وعزائم بيومك..
عاطفياً:جذاب والعين عليك وعم تكون افضل وعلاقتك ممتعة وعم تطور وبتلاقي شي جديد بيومك وحلول لعدة مشاكل بعلاقتك وممكن اذا عندك لقاء حاول يكون هالقاء رومنسي وعاطفي وانت قادر تسحر الشريك بيومك وممكن حب جديد او عم يكون تواصل ايجابي وكلام حلو بتسمعو ..
صحياً:اهمال صحي وعم تعاني امراض المفاصل وصداع برأس ..
❤غنيتك❤اليوم:دهب ياحبيبي بيضلو دهب.. جورج


توقعات برج الثور اليوم الجمعة 31 يناير 2020 ماغي فرح

الثور ♉
تواجهك حيرة اليوم فتعامل معها بصبر ، فاليوم ليس للنتائج ولا للجديد ، مزاجك متراجع وطاقتك منخفضة، وتعاني من تردد أو تعب من علاقات حولك ببعض القضايا.

مهنياً:ضايج ومدايق وقصة متعبتك وناس الي حواليك تصرفاتها عم تزعجك حتى عم تلاقي تأجيل او او شي بدك ياه عم ينرفض لهيك لا تقدم على شيء مهم .. مطلوب منك انك تهتم بشغلك وبأمورك الشخصية هالفترة ولا تخاف يوم وبيمضى لتبدا وضع جديد افضل الك وبتبلش امورك تتحسن لمهم بعد عن العصبية والانفعال اليوم بلاخص مع المسؤولين وزملاء ..
عاطفياً:توتر وعصبية وشكلك عم تفقد الامل انو تلاقي حلول لمشاكلك العاطفية وبلاخص مع الشريك .. حالة من تناقض الأحداث مانا لصالحك اليوم انت بحاجة لصراحة وعدم الكذب من طرف الاخر او لف ودوران .. هدي حالك اليوم بس ومرقو على خير لتنجح وتوصل لشي لبدك ياه ومن المسا بتوقع امور تدريجياً افضل..
صحياً:عم تعاني وعكة صحية حاول تنتبه على حالك وتناول بعض الاطعمة المفيدة والفيتامينات..
❤غنيتك❤اليوم:ضميني وماتسألي .. أنس كريم

توقعات برج الجوزاء اليوم الجمعة 31 يناير 2020 ماغي فرح

الجوزاء ♊
يوم جيد لأصدقاء يلتفون حولك ولمساعدات وخطوات جديدة تفكر بها ، فتخوض نقاشات وترتاح لمعونة أو دعم معنوي، تتلقاه ممن حولك.

مهنياً:عم تتمتع بذكاء وقدرة كبيرة على مجارات الأحداث وعم تكون منفتح اكتر وحرية اكبر بترتب امورك وطريقتك اليوم غير بتعامل وبتحصل على دعم الي بدك ياه بتتعامل مع ناس مهمة او ذات منصب ركز كمان لتنجح .. لا تبقى لحالك لانو ناطرك يوم اجتماعي وعلاقات وصداقات ورفقات بحدك ولقاءات حلوة واجواء ممتعة وعزايم..
عاطفياً:مميز وساحر بيومك بس مابعرف اذا شريك عم يكون عندو أصرار على شي او عم يطلب منك شي او ممكن يكون في سوء تفاهم بينك وبينو على موضوع بدو ياه حاول تعرف كيف تتعامل معو وتهدي وتستوعب الموقف وتكون دبلوماسي ولاتكون عصبي بطريقة الرد .. وممكن حدا مقرب منك عينو عليك ومعجب فيك وممكن بعض العلاقات تتحول لحب بهاليوم ..
صحياً:نتبه على مكان نومتك او الوسادة تكون مريحة لرقبة وتخفف سهر لان ممكن مشاكل المفاصل او صداع لانك ماعم تنام منيح ..
❤غنيتك❤اليوم:شتقتلك شتقتلي وبعرف مش رح بتقلي .. فيروز

توقعات برج السرطان اليوم الجمعة 31 يناير 2020 ماغي فرح

السرطان ♋
تتراجع الحظوظ وتستاء من فكرة إضطرارك لمسايرة أمزجة الآخرين ، وهم يقابلوك بالضغط أو التحامل ، فاليوم حاول تخفيف الحساسية وإبتعد عن كل مايستفزك .

مهنياً:اختبار او مقابلة وامتحان واتصالات بتكتر هاليومين .. يوم ممكن يتعلق بأمور شغل او وظيفة حاول تكون جاهز ولا تتهاون بحاجة لتركيز لانو ناطرك شغل جديد او شراكة ..كون جاهز اليوم لتنجز اعمالك ونتبه تعمل مشاكل مع حدا من اهلك او مع الشريك بشغلك او مديرك وحاول تشتغل ضمن مجموعة عمل وتتبادل الخبرات والمعلومات المهنية لمهم تستغل هاليوم بلمة حلوة او مشوار ..
عاطفياً:رغم ضغوط الي عم تكون عليك ويمكن ماحدا حاسس فيك ولا مقدر وضعك وبتحس كل واحد بدو شغلتو وانت شايل حمل كبير ماعم تعرف كيف تحل امورك بين العيلة وبين حبك والمسؤوليات وضغوط الي عليك انا بدي منك تكون حازم وحاسم بقراراتك ولا تهاون بعد اليوم بشيء حتى مع الشريك..حاول تلاقي حلول مرضية للوضع طبعاً اذا الشريك بيستاهل ..
صحياً:بحاجة ضل تغير جو بأستمرار ولا تحجز حالك بشغلك او ببيتك ..
❤غنيتك❤اليوم:لو كنت غالي .. هاني شاكر

توقعات برج الاسد اليوم الجمعة 31 يناير 2020 ماغي فرح

الأسد ♌
تسعى اليوم لإنهاء أي أمر عالق ، وتبرر المواقف بإيجابية ، فأنت تعبر عن نفسك وعن رغباتك ، وتخطط لتحقيقها ، فتدخل حوارات مفيدة لتحسين أحوالك.

مهنياً:يوم مميز وكتير بيحملك احداث وتغيرات وعم تكتر لقاءات عندك واشخاص مميزين وممكن ناس جديدة بحياتك وفي اتصالات بعيدة ومصالحات وتغيرات بالوضع بالبيت وبشغل وممكن نسمع خبر حلو او عرض ممكن يكون مقدم الك وعم تكون متحرر من القيود وتواصل بيكبر وفيك تسافر اذا ناوي واذا كنت بحاجة لمساعدة فيك تطلب بهاليوم ..
عاطفياً:جذاب وحليان فرصة لحلول اذا مرتبط والاعزب يومك عاطفي .. بتمنا منك تكون اكتر دبلوماسية بعلاقتك حتى تتجاوز بعض الاضطرابات العاطفية .. بتوقع اليوم انت امام حلول ايجابية وبالأخص القمر ببرج الحمل بتلاقي تحسن وانسجام اكتر بعد فترة كتير تعبتك بدي منك تستغل هاليوم وتلاقي حلول متبادلة او ليكون شريك بحدك .. المتزوج روق وهدي ولا تخلي قصة بالبيت توتر الوضع وستغل الحظ ببرجك لتلاقي حل..
صحياً:تعبان نفسيا لوضع صحي عندك وممكن تزور طبيب هالفترة اما الك او لحدا مقرب ..
❤غنيتك❤اليوم:الله شو بحبك ... محمد مجذوب

توقعات برج العذراء اليوم الجمعة 31 يناير 2020 ماغي فرح

العذراء ♍
تصحح اليوم أحوال أهملتها، وتستفيد من علاقات تؤازرك وتؤيدك، فتعوض عما مضى وتهتم بأمور صحية أو تنشغل بأوراق ، فأنت محط إهتمام تلحظه بمحيطك.

مهنياً:شغل كتير عندك اهداف وبدك تحققها بهاليوم وحركة للمال ..يوم افضل من الايام الماضية بترتاح من شوية ضغوط كانت مرافقتك وبتلاقي حلول لمشاكلك وبلاخص المالية عندك تسديد لضرائب او مستلزمات ورح يجيك مال من موارد شغلك وقصة بتتعلق بالمال بتحلها انت ذكي وبتمتلك الأرادة .. بيشغلك اكتير من موضوع اليوم وتفكيرك شغال ناطر نقاشات وتفاهمات او اتفاقية نشالله قريباً بين امور شخصية او قضائية مرق هاليوم بهدوء وامورك افضل بعدين وبلاخص بقصص العقارات ..
عاطفياً:بدي منك تهدي امورك ولا تروح بعلاقتك الى حافة الهاوية لا تتمسك برأيك كتير والعناد ممكن يسبب مشكلة كبيرة حاول تتريث بأمورك العاطفية او بقراراتك بشكل عام وبدي منك تلاقي حل يرضي طرفين نشالله امورك افضل عاطفياً بهاليومين وتواصل رح بعود من جديد بس روق اليوم .
صحياً:ممكن تروح لوضع صحي كتير متعب بنصحك تدارك الوضع قبل فوات الأوان..
❤غنيتك❤اليوم:ياريتك معايا ياحبيبي.. عبد الحليم


توقعات برج الميزان اليوم الجمعة 31 يناير 2020 ماغي فرح

الميزان ♎
تتوتر أجواءك اليوم وربما تواجه مشكلة محتملة أو موقف محرج، فأنت إنفعالي و أحوالك مضطربة ، وهذا لايحميك من أخطاء أو تأخير يثير قلقك ، فعالج أمورك بالتهدئة.

مهنياً:يوم بحاجة تشتغل في ضمن مجموعة وحدة لانو انت مافيك ماتكون اجتماعي خليك نشيط ومتعاون وشراكة عندك ..حاول تبتعد عن المواجهات والاستفزازات بدي منك طنش ولا تعطي لامور اكتر مابتستاهل لانك مو مرتاح للوضع الي حواليك وممكن اي كلمة تعصبك.. فرصة لتتعرف على ناس جديدة وغريبة عنك ممكن تتجاوز بعض العراقيل قريباً نشالله حتى البعض ممكن عم يفكر بعقد او ناطر خبر توقيع اوراق او شراكة ..
عاطفياً:عندك شوق وحنين والبعض نتظر اخبار حلوة عاطفياً .. لازم تستغل يومك على صعيد العاطفي ولازم تتطلع من تعبك وتحط نقاط على الحروف وتروق وتعرف كيف تقلب الامور لصالحك ولازم تستقر امورك حاجتك بقا وحاول تهتم بشريك ولا تخلي حدا يدخل بينك وبينو وانت ذكي بتعرف كيف تجيب الشريك لصفك .. ولبعض عم تتغير الامور عندو لقاءات انتظرها طويلاً واجواء رومنسية بتبلش وبلاخص المرتبط الغير متزوج ..
صحياً:عم تعاني قلق هالفترة وممكن عم يسلبك نومك وعم تكون مرهق ومتعب بنهارك نتبه على نفسك..
❤غنيتك❤اليوم:يوم الماشوفك ماريد عيوني.. سعدون الجابر

توقعات برج العقرب اليوم الجمعة 31 يناير 2020 ماغي فرح

العقرب ♏
حاول اليوم تنظيم وقتك والقيام بواجباتك على أكمل وجه ، وإلا فالمشاغل ستتراكم إذا لم تحاصر الفوضى ، فاليوم يتطلب منك الإلتزام بأهداف محددة .

مهنياً:يوم في شغل كتير وبعدو تعب مسيطر على ايامك بدي منك تبذل جهد بشغلك وببيتك وتكون صبور .. بتتجاوز بعض المشاكل الي عم تواجهك بيومك الي بتمهد لحلول لامور معقدة .. مسؤوليات وتراكم اعمال وانت تعبت وماعم تلاقي تقدم ... اصبر هالفترة رح نطلع من هالحالة وتلاقي انفراج حاول تخلص شي المهم عندك ولا تاكل هم كلشي بيتغير بس روق واصبر هاليوم ..
عاطفياً:الاعزب ممكن انت تعيش اجواء حلوة مع ناس بتحبا او بداية علاقة وممكن تدخل باجواء عاطفية جديدة ..المرتبط لازم تهدي الوضع بينك وبين الشريك وانت بتعرف انو عم يقدم الي في عليه ومو طالع بأيدو اكتر روق وحاول تقدم الي فيك عليه حتى تبقى امورك منيحة ولا تكبر القصة بعتقد انك تعبان والوضع من حولك متعبك وممكن كتير ناس حولك عم دايقك او ممكن من نفس العيلة..
صحياً:نتبه من وعكة صحية او كريب وصداع برأس وتفخة ..
❤غنيتك❤اليوم:قطعلي قلبي صوتك .. معين شريف

توقعات برج القوس اليوم الجمعة 31 يناير 2020 ماغي فرح

القوس ♐
تطورات وأخبار إيجابية تسعدك اليوم ، وتجعلك أقرب لأهدافك ، فأنت تحاول تحديد أولوياتك الحالية والمستقبلية وخاصة بتحسين علاقاتك وأعمالك .

مهنياً:الحظ معك طاقتك ايجابية وحب وعاطفة عندك بهاليوم .. دعم وتطورات مهنية ومالية وعائلية وبتنقلب الامور لصالحك وبتفتح صفحة جديدة امام احداث ومجريات ايجابية وانفراج وتقدم ملموس عم ترجع تسيطر ع الوضع من جديد وبتلاقي فرص مهنية بتساعدك بتطورات مالية بالايام الي جاي جو اجتماعي رفقات وسفر اذا ناوي وعزيمة واكل طيب ..
عاطفياً:اجواء حلوة بيومك تطورات بعلاقتك بتحل بعض القصص المعقدة وانفراج نوعي وممكن انت مقبل على يوم عاطفي على غير العادة ولقاءات واتصالات حلوة وممكن اذا ناطر صلحة او يرجعلك حبك فا ممكن تلاقي بهاليوم .. بدي ياك لا تخلي شي يعكر مزاجك وبتعد عن ناس وتقرب من الشريك وخلي الوضع يتحسن لان عنجد انت كتير تعب بالفترة الماضي وماكان شي عم يظبط معك ...
صحياً:تجنب الناس الي بتحبط معنوياتك وعم تعطيك طاقة سلبية ..
❤غنيتك❤اليوم:قلبي ع اليمين .. نادر الاتاس


توقعات برج الجدي اليوم الجمعة 31 يناير 2020 ماغي فرح

الجدي ♑
شؤون وإرباكات شخصية تطالك اليوم ، عليك التعامل معها بهدوء ، بعيدا عن التحامل أو القلق، فاليوم الضغوط مزعجة وتتطلب منك تأقلم وإيجابية بالتصرف.

مهنياً:اجواء عائلية وتنقلات وصرف مالي بس لبعض .. يبدو انك ماعم تقدر تتلافى موضوع صرف المالي ومافي توازن .. حاول تخلص شغلك ولا تتأخر ولا تأجل شي مابدي ياك تخسر بهاليوم احسن ماتسمع شي كلمة او نقد مايعجبك وبلاخص من المسؤول عنك شوية مشاكل بالعيلة او وضع حدا فيها بيشغلك خليك سريع لتلاقي الحلول المناسبة وممكن نقل او تغيير لمكان او بشغلك قريباً حاول تتجنب الخلافات بهيك يوم وريح حالك ع الاخر ولا تهتم وممكن تجهز حالك لمشوار او سفر ..
عاطفيا:خليك هادي ولا تخاف على وضعك .. كون دقيق بمجريات يومك وامورك رح تتحسن ولقاءات واتصالات رومنسية عم تقضيا .. المتزوج حاول توفق بين وضعك بالعيلة وبين عاطفتك وحبك والمرتبط اشياء مفاجئة بيومك واوقات حلوة والاعزب توقع انو يحملك هاليوم ناس جديدة من الجنس الاخر وممكن بقادم الايام يصير ارتباط ..
صحياً:نتبه لانفعالك ولعصبيتك بهاليوم نتبه لصحتك او صحة حدا بعيلتك وريح حالك ونام بشكل منيح اليوم ..
❤غنيتك❤اليوم:انا قلبي مشتاق.. وائل كفوري

توقعات برج الدلو اليوم الجمعة 31 يناير 2020 ماغي فرح

الدلو ♒
يومك جيد ، فأنت محب ومثابر وتلاحق مصالحك العملية والمالية ، وأيضا علاقاتك ، فتنشط إتصالاتك ولقاءاتك العائلية وترتاح لإجابات شافية. فاليوم للتواصل العائلي.

مهنياً:يوم للعلاقات وترويج لشغل او لعمل ما الحظ بحالفك وعندم اتصالات كتيرة بدك تحاول تكون دبلوماسي لتنجح وتعمل اتفاقيات مثمرة وتجيب نتيجة كون هادي ولا تندفع زيادة او تستعجل بشي وكلشي بوقتو حلو لا تتسرع لانو مارح يجيب نتيجة ورح يوقع بأخطاء مو وقتها .. بتلاقي حل لمشكلة بشغلك وبتسمع خبر بريحك نفسياً وبخليك متحرر وبكون عندك حركة بالبيع وشراء وسفر اذا بتشتغل اعمال حرة او حكي بسفر كتير هالفترة .. بتشغلك كمان امور عائلية وقصة حدا عندك ومال كمان ..
عاطفياً:جذاب والعين عليك واحتمال حدوث لقاء عاطفي وعم تعمل تغييرات بشكل وعم تكون انيق وملفت لنظر .. وممكن اتصالات طويلة او ترجع لحبك القديم وتتواصل معو .. انا مابنصح البعض اذا كان في سوء تفاهم انو يكون بعيد عن الشريك لازم تتقرب منو ويصير نقاش وحوار ممكن كلشي يتغير بلحظة افضل مايصير فراق او هجر ...
صحياً:تجنب الاماكن الرطبة هالفترة ونتبه لمشاكل المفاصل او تأثيرات نفسية.
❤غنيتك❤اليوم:دكتوري مالي العين.. حاتم العراقي

توقعات برج الحوت اليوم الجمعة 31 يناير 2020 ماغي فرح

الحوت ♓
تشغلك اليوم شؤون مالية ، فأنت تحاول جدولة مصاريفك ومن الممكن أن تكتشف أخطاء إرتكبتها بتسرع سببت لك ضغطا ماليا، فتكن أكثر حرصا على ما تصرف.

مهنياً:بحاجة لحلول مالية ويوم في قصص لازم تلاقيلها حل .. المال عم يشغلك وتعبان مالياً ومحتاج دعم او مساندة واعادة ترتيب وتنظيم وممكن اتفاق مالي او لتقبض .. رغم تعب ممكن تقلب الامور لصالحك ورح تبذل جهد وتحسن وضعك وتحقق نتائج ايجابية ورح تلاقي تسهيلات لمشاكلك بس اهم شي تركيز لحتى تكمل الامور معك ..
عاطفياً:حاول تكون دبلوماسي بيومك وتتعامل مع الشريك بروية وحتى لازم تكون واقعي بعلاقتك وتبتعد عن الخيال انت ساحر بحضورك وجاذبيتك مابتتقاوم حاول تأثر بهاشي على الشريك وبتعد عن الماضي بعتقد انو الامور مو متحملة اكتر من هيك ومو ناقصك مشاكل جديدة لهيك بدي منك تهدي وتروق..
صحيا:بحاجة تحافظ على لياقتك ورشاقة جسمك وبتعد عن ضغوط نفسية.
❤غنيتك❤اليوم:حبيبي ياملك قلبي بالهوى..عمر دياب

[Secluded]

يسلمووو

[انثى مخمليةة]

يسلمووو

نورتي حبي