هنا

[هيڤين' ♬✿]

شمسک وانت بکيفک لو ردت تغيبها
کُل ذره بكونک تعرف حقها اواجبها
شمسک وانت بكيفک ردها
غيرک يا حيدر ما عدها


الكون كله بشمس وحده وانته بس التختلف
يا علي شمسين عندك ثنينهن كلش عرف
وحده بچفوفک تردها بلايه ما جفنک يرف
او وحده مااضنک تردها ضلوع ماخذها النزف

شمس المغرب يوميه بلمسه تودعها
وشمسك البيتك باجر راح تشيعها
والغابت لا مو موعدها ... غيرک يا حيدر ماعدها

لا ما عدها ... لا ما عدها
شمسک وانت بکيفک لو ردت تغيبها
کُل ذره بكونک تعرف حقها اواجبها
شمسک وانت بكيفک ردها
غيرک يا حيدر ما عدها


بكلشي تفرق عن الوادم حتى گلبک من يحس
الشمس تطلع على الوادم وانته تطلع عالشمس
شيبک كسر العزيزه نفس طلعت من نفس
غسلتها وانته تبچي تسولف وياها همس

سولفت وياها وگلتلها فراگچ كسره
لتغمضين عيونچ فدوه لا يزهره
منک لمن غطت خدها ... غيرک ياحيدر ماعدها

لا ما عدها ... لا ما عدها
شمسک وانت بکيفک لو ردت تغيبها
کُل ذره بكونک تعرف حقها اواجبها
شمسک وانت بكيفک ردها
غيرک يا حيدر ما عدها


ومن دنت من الغريبه بألم ساعات الاجل
راحت لحجرتها كعدت لا مواسي او لا اهل
نحت عالسجاده حدما دمع من الطف نزل
وما شفت كسره ظلعها الا فوگ المغتسل

من عاينت وشفت عيون الشمس الحمره
كظيت الخد ذاك بچفك طلعت سطره
وبشوفة طه مواعدها ... غيرک يا حيدر ماعدها

لا ماعدها ... لا ماعدها
شمسک وانت بکيفک لو ردت تغيبها
کُل ذره بكونک تعرف حقها اواجبها
شمسک وانت بكيفک ردها
غيرک يا حيدر ما عدها


كلشي بالعالم يحيدر ربنه جابه بأمرتك
وانته مسؤل اعلى كل حي صار دار بذمتك
الخرج عنك يعني خارج عن مداىك رحمتك
كل هذني لچن تذرف عالزجيه دمعتك

كلشي بطوعك يا حق الله ترجعه بنظره
ما تگدر يابو حسين ترجعنه الزهره
من راحو امها او والدها ... غيرک يا حيدر ماعدها

لا ما عدها ... لا ما عدها
شمسک وانت بکيفک لو ردت تغيبها
کُل ذره بكونک تعرف حقها اواجبها
شمسک وانت بكيفک ردها
غيرک يا حيدر ما عدها


لم لم ادموعك يحيدر راح تحتاج الدمع
الماي يلچم خلي دمعک حتى ما تلچم ظلع
الصوت منها وهيه ميته يمكن اكثر ينسمع
لان مظلومه الزجيه وفترت مثل الشمع

غابت شمس الكون الچانت تسند ظهرك
والوحدك راح تكمل ماباقي بعمرك
وبراحه چفك وسدها ... غيرک يا حيدر ماعدها

لا ما عدها ... لا ما عدها
شمسک وانت بکيفک لو ردت تغيبها
کُل ذره بكونک تعرف حقها اواجبها
شمسک وانت بكيفک ردها
غيرک يا حيدر ما عدها


اداء الرادود | عمار الكناني
كلمات الشاعر | علي عباس الربيعاوي


تدويني

تحميـل MP3

آأســتمـاع √

[Haidar Iraq]

شكــــــــــراً جزيــــــــــلاً لــــــكِ ..
​