من انا دافكر اترك الدوام هالسنة
و زملائي كل شوية دازيلي تعالي شاركينه ببحث التخرج
من انا دافكر اترك الدوام هالسنة
و زملائي كل شوية دازيلي تعالي شاركينه ببحث التخرج
لا يغرك شوگهم لو طاح مزنه
أ.ولا گلبهم من يلم لـ جفاك حزنه
تالي تعطش ،
تالي تنمـل
كافي چفك ينعگد بچفوفهم وكت النفاه ،،
ومن يمرك ضيج ينحل
ثاري حضن الناس ليله ،
شما أيطر الفجر تذبل
جواد زغير
الهظم مثل اليرد :جرحه اعله گد عزته ،
وبوجهه ضاع العرف ،
ما ينسكت عنه
يا گلبي لا تحترگ ،
نصين شگ العشگ ،
لو شفت بيه منّه
جواد زغير
وين أنه ..؟!
ولا صوت اليوعيني
أهيس الوادم إبلا روس
وأهيس
الحرب ،
والتابوت ،
وتراب الوطن ،
والعاذرين الموت ..
كلهم فوس
جواد زغير
راجع ،
بطرگ الحزن ،
خسران مدري انبعت ،
بس الجرح تذكار
راجع وطن من حرب ،
حزني أعله گد الچثث ،
ميت و ادور ثار
جواد زغير
شثگل حزنه ...؟
اليطشر واهسه أعله البوب ،
ويرد تاكل بگلبه حچاية الـ محد
جواد زغير
انه بكل ليله ،
أگول أنسيت ،
يصلبني السهر شمعه بـ مهب الريح
يشطب كل اسامي الناس من راسي ،
و ارد متوزر بـ طاريك
جواد زغير
هذاك أنت ،
گضيت أسنينك أعله الـ آه ،
ياهو العزب أعيونه لـ بواچيك ؟
وياهو الذم تعب روحه وعشگ فيّـك ؟
جواد زغير
مسافر والسفر مرواح للملتم
شما ألتفت للعشرين ،
أشوف العمر سفرة هم
جواد زغير
اثاري الحزن
من تهوى الأوجوه التهوى توديعك
ونوبات الأعيون تصح دليل و راي ..
لاچن گلبك أيضيعك
جواد زغير
