بليله شته وخوف وبرد
بليله شته وخوف وبرد ..
والديره كحلها الثلج ...
والضلمة تشرب ب الضوه .
والبوب سكرهه الهوه .
والكاع غصت ب المطر .
والناس ماخذهه السهر .
بس انا وجروحي ومره ..
وشوغة سنيني وحسرتي .
ودمعة عيوني وغربتي .
كالتلي كلما نختلي بموعد أشوفك منكسر .
وسنينك أتكطر تعب وحرورتك تجوي الجمر .
كلتلهه أنسي السالفه ...
كالت أحجيلي بداعت أسم الخلتك تكتب شعر .
بداعت هذيج اللون خدهه يناوش الدنيا فجر .
كلتلهه تردين الصدك .
الراحت عزيزه وأعز من دكات كلبي
المحترك.
السافرت أترف من عمر وحي
النده البلل قرآيين العثك .
كالتلي جا عوف المشو .
حط عينك بعين الاجو .
كلتلهه مو بيدي ترى العصفور
كلما يبتعد عينه عله محراب الغصن .
والعافته صاحبته مايبرد كلب كلما تمر
زفة عرس يعطش حضن .
كالت أنسيك العطش .
أنساها مو دوم الحزن .
حب غيرها وأضحك مراجيح وورد .
ورافكلك أبنادم دفو بليل شيحمله البرد .
كلتلهه فاركتي كبل .
كالت أسم الله من الحزن
كلتلهه حبيتي كبل .
كالت شفت طولك وطن
غيرك شباب شكد أجو ..
ولسنيني ماي أتطشرو ...
بس أنت لونك يختلف ...
ماشايفه مثلك كمر تارس عيون أولايته .
وماعاشكه كبلك زلف تشتهي تشمه أمرايته .
يسمر يبو طول النخل ..
غازلني مو كلبي أنشلع ..
وأشبكني مو تدري السنابل
من تشيب تنشبك
وأعشكني كلفه المثل طولي
تكطر فياي ومسج ماتنعشك .
كتلهه ماأفيدج فقير (وشاعر )
وعاشك لحد آخر حلم .
خايف أحبج والجم .
خايف مثل ذيج العزيزه
العافت سنيني كفة عود الورد
كلما تمر نسمه أنثلم .
غزوان الخفاجي
رد مع اقتباس
