هنا

[فقار الكرخي]

رها خلگ المگابر والرمل ذاك
الجمر برد غليله املاگه الفياي
وهدل متن الزواتيت اليشيعون
بجنايزنا المعيبر رايح وجاي
شباب وأمك تناطر يحنوك
أشبلاك وللمگابر رحت عناي
اعلى متن الساتر تهوس يگولون
وأنا أتنومس لمن يحچولـّي أبهاي
يالملاگي المنايه املاگه عرسان
النشد باچر يصير ابفگدك أهواي
الخطف لون السواتر ماثناه ماو
يبن بطني أفا وچتالك الماي
ردت حگ الهلك ترباتي وادريك
ثجيل ومو ولامك هز الأچتاف
دريت الموت متخوصر على الباب
وگلت موش أبنچ بالموزمه يخاف
الشمس تطلع علي تلگاني ناطور
موش انا الينام وبيته ينحاف
يغم رايه الملح چي گبع الطين
وتشلبة للنخل شيالة الفوس
ضميه البصره وسفه وشطها عطشان
وعگب عزها صفت تتنول الطوس







م

[سمراء من قوم عيسى]

شكرا ع الانتقاء