ادور وجهي بعيون السألني
ويظل ياكل بحيلي الظال مني
صالحته؟ اجاك؟ شلونك وياه؟
مو فرگاك ذني اليوجعني
بس مالك ذنب جنت انا ابو الصوج
انا الطيحتهن طيحني
غشيم وجنت ازعل روحي او ارضيك
اثاري ارخص جنت كلما اغليك
مافكرت نيتك تستغلني
واثاري من اشتكيلك جنت اسليك
واسولف موتتي گبال الكتلني
وأكتبلك شعر كل ظني ابچيك
وأنت تلحن بظيمي وتغني
************
بس الله يدري شلون عشـــت إبلــياك
وشلون أخلص الليل لو ما احــاچـــيك
انا ادري بيك تخون ليش ابقى ويـــاك
والله إشتهيت الموت من سولفوا بيـك
************
اضحك على روحي گلت ناسيك
اكابر والدموع يفشلني
بكثر ما باچي يم السولفوا بيك
على روحي السوالف ضحكني
تعال ادنه يمي وخلي اراويك
هواي جروح الك مو بس هذني
عليمن على عيونك مستعز بيك؟
الرخصن للغريب ورخصني
لخاطرهن صرت مجبور اتانيك
صارت عيشتي اعلى الموتني
شارعكم حفظته وماملاگيك
البي منك شبه مللته مني
انا مو جاي اصالح جاي اوصيك
اذا حبيت غيري احچيله عني..!!
كلمات الشاعر عصام كريم
تدويني
رد مع اقتباس
المشاركة الأصلية كتبت بواسطة زَهرةُ اَلشِتآء
