درر العراق

Nazkul · 25/January/2020

شسويله؟
اليجرحني وأعديله
الگبل ميطيح اتچيله
اليطفه وانا اضويله
شسويله؟
يحب؟ لكن يحب نفسه
اناني وبي طبع ينسى
جرحني وماگدرت اقسى
شسويله؟
لو مو عيب من الناس
چاسويت البالي
مشكلتي الوحيدة وياه
مااكرهه وعلي غالي

تجي ساعة..!!
واحط سوالفي بإيدة
وأقرر بعد مااريدة
وأگولة يشوف اليفيدة
تجي ساعة..!!
وأفرغ روحي من عندة
وأخلي عايش الوحدة
لإن كلش عبر حدة
بس شلون لو حنيت ويبين على عيوني؟!!
والشمات ينتظرون
بس اضعف يعرفوني...!!!

كلمات: الشاعر ملا علي الدلفي

تدويني