مغتث من سوادك حتى لون ليل
ويرفض لَون بينه وبينك يشبهون
عطا السعيدي
مغتث من سوادك حتى لون ليل
ويرفض لَون بينه وبينك يشبهون
عطا السعيدي
ورقة تنشك
ورقة تنكع بالدمع
ورقة تلتذ بشخابيط الليالي
روحي يسمر
روحي بين جفوفك الترفات دفتر
اقراني من تغتاض يسمر
محرومه شدات الورد
ياحمرة الشفه
ترسن جفافيجن حسن
لو مرت الزفة
ليل وكمر ونجوم والهيل ما مفطوم
والروح ماتحمل ثكل ترفة
إلك
للشوك
لحجاياتك الترفات
للشاطي العشك ميه
وارد بالتعب
جف
وفجر
وكلوب
واتحمل واكومن بيه ما بيه
دردميتك
ونه ونه
بكد دفو حجاياتنه الهانت عليك
رجيج الحال
وتوجه عله الكوه
واغربل زينهم بالضيج
يطلع شينه مايسوه
.
.
الصدر ضايق يارفيقي له شهور
والناس ماتدري عن اللي بصدري
ومن كثر مامثّل على العالم الدور
الناس تحسدني على النوم بدري
ابرسمك اصبر العين لو هزها الفراك
بس بيش اصبر الروح لو هسه تشتاك
ماشيّنه العمر عميان ما نعرف توالينه
ولــگينه بكل حـزن مذكوره اساميـنه
ولگيـنه الدنيـا مو منّه
ولا مـنّها
ولا بيها الـ يغنينه
ولا بيها الـ عرفنّه منين
من يا طين ونحط روحـنه بطينـه
ولا بيـها الـ قرانه منين
من يا اخ
واندل كل بواچينه
ولاظـل طيف يسـوّه رموشـنه تشبگـه
ولا ظــل باب يســوّه چفـوفنـه تدگـه
يروحي الناس كلمن عايش لروحــه
يروحي الـ ينلچم يتعوّد جروحـه
مرهٌ أمشي وصدفه لاگيت الضَمِير
گتله چلمة مرحَبه وچِلمة هله
گتله أسأل گال إسأل لاتحير
ياهو غيري اليوم تگدر تسأله
گتله ليش العالي بِالأسفل يصير
بهالوكت ياحيف والسافل عله
گلي نَاسك للأسف صَاروا عبيد
وأبد ويه الحق فلا عدهم صِله
گال أنصحگ لاتطخ للدنيا راس
وكل بشر باعاك لا تتوسله
وفـــــوگ ساس البله لاتبني القصور
يجي يــــوم وينهدم ساس البله
