درر العراق

ساره البابليه · 23/January/2020

صباحكم/ مسائكم رحمه وخير والطمأنينة
اليوم مطر عدنا قوي وجو بارد واني بالشباك اشوف مطر ينزل بالحديقة بيتنا على ورق شجر منظر يخلي الواحد يبتسم ويتأمل بجمال وابداع الخالق
واني بهل لحظات ذكرت موقف او قصه صارت وياي وجنت بالاول او ثاني ابتدائي جنت طلفه مشاكسه كلش وجان جيرانا رجال كبير بالعمر اسمه حجي رمضان يسند نفسه على عكاز خشب وزوجته كانت اسمها فوزيه من دون الناس اني سلطت على الحجي رمضان اخبث يكعد العصريه بطارمة بيتهم وانا اجي ادك الجرس واركض وهوه خطيه كلسا يفتح لباب لو يخلي كرسي ويكعد باب البيت وخلي عكازه على حايط اني اجي على كيف اخذا وهوه يصيح يظل لو من يريد مي يصح على زوجته فوزززززززززيه اني اكله تساعد امها لان جانت عدنا بالقرأءه درس
فصار شهر رمضان مات الحجي رمضان هوه من دراوشين بيوم الثالث بالفاتحه جابو هذولي يخلون سجيه بالحك يطببون من الخد وبراس ويدكون اني ماعرف كم اركض واصيح حجي رمضان رجع ماميت وناس كلها لتمت هههه
ورها كمت احزر الاطفال اكلهم منو مات بيوم اسمه
مرت كم يوم
وكان احلم دنيا مطر قوي وبرد واني بعماره عاليه ومقفله كلش بس شباك ولحجي رمضان بشباك ويضرب شباك بالعكاز مالته ويكلي افتحي شباك كان منظر مخيف ويه جو ويركض وراي بالحلم ومن كعدت من الحلم خايفه وظليت اقراله سورة الفاتحه بحيث يمكن فوك 500مرة قريت اله حتئ يسامحني
الله يرحمه

وسلامتكم