هنا

[فقار الكرخي]

انطشيت وي كلشي زلف
وي لمعة عيونچ ضوة..
وي زمزم شفافچ نهر
وي ضحكة خدودچ عرس..
وتفحط چفوفي ابكل خصر..
هيچ اعله نيتي من ارد احب..
كلي دفو بوكت البرد..
وكلي طفل وكت المطر..
والطين وي روحي انعجن..
شبگيني خد وي الدمع
بوسيني من يصحة الشمع..
كلي صدگ وكت الزعل..
كلي لعب وكت الغزل..
خبصيني حيل بگذلتچ..
ماريد نگعد من نحب..
ماريد نتغطة.. بشته..
بحضني وحلاتچ نشتعل..
ونصير بالشرجي ثلج..
حطيني شامة ابكل نهد..
مشكلتي اذوب ابكل نهد..
مشكلتي احب اليحترك..
والمحترگ يطفة بعشگ..
والدنيا.. سولتها البُعد..
وگلادتچ سولة.. بَعد..
خدران والنية. خمر..
قمصان والحمرة درب..
والشيشة..تعشگ كل عطر..
من ينچفي بدورة خصر..
جرباية وهدومي انسن..
المرايا ماتهوة.. الكسر..
چي ينثلم وجه الضوة. ..
من نصحة.. وي لون الشمس..
بوجوهنة.. تلوذ الشمس..
من اوجوهنة انصاغ العرس.
بچفوفنة.. الحنة انچفت..
ميلاد يومية.. انرسم..
ميعاد ياس وي اليشم. .
وجفون اصير بكل حلم..






م

[صفاء العامري]

روعه
شكرا فقار