أصيحك ياوطن وبروحي غربة شوگ.....
مفتاح الصبر ظهرك ، فتحتة بوگت مو وگتة
فتحتة بوگت بي تعبان بي محتاج للسگته
وهبت الفرگة ورذاذ الظلمة بعيوني
وصدى خفگة جنح يطير ويطيح تراب
مدري منين ،؟ تبعته لديرة الوهواس
إلتم لمة البردان من الخوف
وصوت الغريب ورگضة المهجول
بجفوفي أعصر برأسي مامش باب للجفوفي
صداع ، وصوت ، ومرايات تفتر بيّ .
أصيحك والسما بالإثر يخليّ أثار
أصيحك ياوطن وبروحي غربة شوگ
وبروحي حلم منسي وجمر دمي ورسايل ناس
وبروحي قضية وثأر !! ، عفت بي فراغ الهوى
بظّلة أيتيه .وحجي ليل وبلم مجروح
( بعيد وصورتك يمي . أشبگك ياكمر بالماي )
( أحن لشوفتك وأغرگ )
اتخيل تجي وارفع خجل روحي .
واعاتب بيك ألومك واصرخ بوجهك .
وأسمعنگ حجي يزعلك لا تدريني ماضرك
انه لو عندي خنجر مادرت ظهرك !
- حيدر النوري
رد مع اقتباس
المشاركة الأصلية كتبت بواسطة المتوكل علي
