مـن نـزل للحـومة طـر الارجاس
علي صـاحوا هذا لو هذا عبـاس !
حگهم ايگولون حيدر بالطفوف
لإن شردت من نزل حتى السيوف
مابقت لاخيل لاظلت صفوف
رد عليـهم خيبر راعي الطاس
علي صاحوا هذا لو هذا عباس !
______________________
ركز تخيل بعد هذا النزال
قاتل العباس شتظن ياقتال
باب خيبر صاروا وبچفوفه شال
گوم أمية ابزوده ماردهه للساس
علي صاحوا هذا لو هذا عباس !
______________________
ضهضب ابــزوده البطل ماچنه ثار
بخزرة اعيـونه الحرب وجرها نار
غصت ابــدم الكفر ذيچ القفار
فارس ابنظراته غيرة وإحساس
علي صاحوا هذا لو هذا عباس
______________________
فارس ومعروف من طب عالطغاة
گطع ارگـاب السهام اويه الرماة
والـي ماجاسه البطل معناها مات
مات شدة خوفه گطعتله الانفاس
علي صاحوا هذا لو هذا عباس
______________________
ويوم ضهضب بالحرب شردت اموات
من رفع راية أبــو ورد الحياة
وانكتب طور القصيدة اعله الفرات
بچفه شفنه الصورة وبالجربة الإحساس
علي صاحوا هذا لو هذا عباس
______________________
كلمات الشاعر - عباس الموالي
تحميلMp3
رد مع اقتباس