هنا

[فقار الكرخي]

يمفتح كل خلايا العكل جندار
الغزال ولمعتك بلشوف جندار
يدمي بروديوم جفاك جندار
انجمد لامن حصل داوود ليه



الى من كريات الحمر كسره
بدماي ومهفتاتي اجبلن كسره
بدليلك ما عشت خطار كسره
اهتكت دمي ولقائك سكم بيه



ابرهه شصابه علعام الفيل كحله
السداني والجرع تيزاب كحله
حبل صوتي ومرور جفاك كحله
انهدر وتبح شكو ملحنات بيه


يواشك بين چتفك والتراچي
خمر. موتعب صبري وانته راچي
الگلب بسنين هجرك ون ترا چي
عفتني .وصرت خيمة كاوليه



من اهد ذيچ الرساله وذاك رداك
اخلص الليل اشم بهدوم رداك
اذا صارت والهي الكون رداك؟
ايازي ابيش فضل الله عليه



خايب يل رحت لبعيد. كف ياي
وخدي عليك كف ايروح. كف ياي
ماتگعد ابفي مرتاح. كف ياي

تگعد بيه ومتبختر عليه




فدوه لو دقيقه وياي. درهم
هلي بفرگتك ماطبيت. درهم
وعلي دريتله بس فرح. در هم

الي. وجازاني بلونه وأذيه

[Suzana]

من اهد ذيچ الرساله وذاك رداك

اخلص الليل اشم بهدوم رداك

اذا صارت والهي الكون رداك؟

ايازي ابيش فضل الله عليه


لطيفه..يسلموو

[سمراء من قوم عيسى]

ابوذيات جميل
سلمت يداك