المشاهدات: 32617   المدة: 4:32   الدقة: عالية
التصنيف: صوتيات دينية   الكلمات الدلالية: محرم، منتظر المكصوصي
تعليق بواسطة وضاح العذاري
ينگـط حنيه.. إبن البدويه ..
مارخه امتـونه
شيـخ ابخوانه.. محد بمچانه ..
لو فـك عيـونه

عباس راعي الشان
طبهم شيخ الميدان
ثابت يعلومه
ويرهب يومه
المارفت عيناه
سمعوا رجله اعله الگاع
ماتوا گدامه ابساع
صاحوله ادخيلك
مو گد حيلك
والموت ابيمناه
طب شايل راية .عباس
مخطوطه بـ آية .عباس
حي اعله الموت
والكل اتشوفه
صاح انه الكافل.عباس
انه الكم نازل.عباس
طلعولي ازلام
حط بيهم خوفه

عباس طبها ورعد بيها وصاح ها حيهم
صوته وصل للخيم وبصوته كثـر فيهم
والمات بالمعركه مافرزنوا من حيهم

رد شايل جربه وخير
شرب من عدها الطير
ثبتها الخوه. وفعله اشسوه
وحلل كل تفسير

ينگـط حنيه.. إبن البدويه ..
مارخه امتـونه
شيـخ ابخوانه.. محد بمچانه ..
لو فـك عيـونه

عباس رف لواه
شـال العفيات وياه
هـد ماخذ زوده
وخط حدوده
ابنص ميدان الگوم
الخيل وأهـل الخيل
ضاگت من چفه الويل
إبن الرد التحرگ
عيب ايـدنگ
يعرض بالزردوم

حيد ومن هيبه.عباس
وكل حگ يجيبه.عباس
مايعرف خوف ... تشهدله ايامه
من ايطگ غيمه.عباس
يبچيها الخيمه.عباس
لو صار زماط ... محد گدامه

عباس شد مهرته وصوب المعارك طبها
معزب وطب للحرب والسفره هالحربها
عباس عطشان وعرگته الماي يشربها

اطفال وخيم وماي
واحتار ابهاي وهاي
ماشرّب ايده
وعاف عضيده
وضل هوَه الوفاي

ينگـط حنيه.. إبن البدويه ..
مارخه امتـونه
شيـخ ابخوانه.. محد بمچانه ..
لو فـك عيـونه

مايعرف شنهي الموت
حط الخوف ابتابوت
كافل خدر اخته
ايعور بخته
اليفزع للخوان
عالي ومادنگ راس
متروف وكله احساس
ابوگلب الطيب
كله مشيب
من هاي العدوان
ينگط حنيه .. ابن البدويه
ويحب اثگال .. مارخه متونه
محد بمچانه.عباس
شيخ ابخوانه.عباس
يجادح غيض .. لو فك اعيونه

عباس كافل ضعن خيه ولو اغتاض الحار
كلشي بعيونه الكفل خدر الله بصبح نار
الخلق كلها اتصيح لا بس ابو فاضل صار

اگباله الگوم ايحيرون
حگهم من ايشردون
غير ابن حيود
وراعي الزود
ومن عده ايرجفون

ينگـط حنيه.. إبن البدويه ..
مارخه امتـونه
شيـخ ابخوانه.. محد بمچانه ..
لو فـك عيـونه


-------------------------------------

كلمات واداء : منتظر المگصوصي