المشاهدات: 1527   المدة: 7:48   الدقة: عالية
التصنيف: صوتيات دينية   الكلمات الدلالية: مسلم الوائلي، amir alfatlawi
تعليق بواسطة اميرالفتلاوي
الـقصـيدة : يم عباس
اداء : مسلم الوائلي
كلـمات : محمود الموسوي
______________
يم عباس شيلي الراس جبرائيل بي نادى
محتارين شنسمي واسمه عگال للساده
______________
اسم نختارة وبأسم الله وعدنا هواي
گمر تردينه لو كافل لو وفاي
شنو تسمينه دخيل عيونه
ترى بكل حومة علي يسمونه

هذا الراي سميه ماي بس ما اضن تگمطينه
ماي الجود ماي حسين لو زمزم تسمينه

يم عباس .. يم عباس
______________
علي بصيارة سواله موگد نار
هلا بالجاينه وعباسچ راسه حار
الحسن سواله الدرع والرايه
ورسم چفينه واجت مشايه

حيدر صاح يوسف جاي وخوانه يشوفونه
جبرائيل صاح بصوت حيدر لا يحسدونه

يم عباس .. يم عباس
______________
عطر من بيتچ حتى ادم شم احساس
نزل والجنة شافاها بچف عباس
مطر بچفوفة شمس على الحاجب
دخيل متووه ودخيل الشارب

سبع سنين والخيال شال الگنطرة بسيفة
راية وراي بالميدان ابنج زلمة وبكيفة

يم عباس .. يم عباس
______________
الكهف واصحابه من گعدوا متعجبين
ضوا ما شافوا مثل ابنج بس حسين
تعجب موسى وشمر عصاته
يرب ارزقني مثل ريشاته

والأحياء والاموات كلها تصيح يم راسج
سبحان الله هذا منين هنيالج بعباسج

يم عباس .. يم عباس
______________
كلف ودخيلة ومن شاربة يخاف الليل
زلم بچفوفة يشمرها من الخيل
جمال وغيرة وخدر للخيمه
يمد چفوفة يلوح الغيمه

چفة شراع والبي زود يدنه على چفينه
ظهر حسين ما ينجاس فنه اليوصل چفينة

يم عباس .. يم عباس
______________
ابن بدوية ومن زودج راضع طيب
كرم من حيدر ديوان ومعازيب
الهلا على لسانه كرم وزيادة
شحلات عگاله يشيخ السادة

يا محلاه يم عباس ابنج من تسمينه
شيخ الكون بأسمه يصيح يالثارات مهدينه

يم عباس .. يم عباس
______________