المشاهدات: 754   المدة: 8:00   الدقة: عالية
التصنيف: صوتيات دينية   الكلمات الدلالية: حسون السماوي، Zahraa Al obaidi
تعليق بواسطة ღ عِشق ღ
يعباس كل جمال الله انرسم بعيونك

....................

ياعلي الثاني .. الخلاني .. عبد ابابه
سيفك معدل .. عندك حل .. لكل اطلابه
وانت بگماطك .. وزماطك .. كلها تهابه
شدتك زينب .. يمرتب .. بالعصابه

ينوماس .. يبو چف اليسطر ايسمونك
يعباس كل جمال الله انرسم بعيونك
...

شارتك شاره .. وسطاره .. چف الساده
علخيم فنه .. اليدنه .. لو يتماده
زينب بعينك .. وحسينك .. حيهم ناده
حيدر الفارس .. يلـ لابس .. كل امجاده

على الراس .. خوذتك والجربه فوگ امتونك

يعباس كل جمال الله انرسم بعيونك

...

الربتك قدوه .. من فدوه .. ل هالـبدويه
سوتك هيبه .. وبالنيبه .. الكراريه
كتبت حچايه .. عالرايه .. العباسيه
وانت ابوفاضل .. علعايل .. ناوي النيه

للحساس .. مرجع انت الوادم يقلدونك
يعباس كل جمال الله انرسم بعيونك

...

صاعد الشگره .. والخزره .. اطر الهيمه
لونبض بختك .. من گصتك .. توگع غيمه
زينب مأمنه .. بنص جنه .. مو بلخيمه
الدنية تشهدلك.. يالكلك .. غيرة وشيمه

يفراس .. من الطفوله ابيرغ يلفونك
يعباس كل جمال الله انرسم بعيونك

....

عالنهر كاتب .. يلغايب .. احلى حچايه
سيفي ضميته .. وخليته .. يم الرايه
أگصد طفوفي .. بچفوفي .. دگ الثايه
گطعوا ازنودي .. وكل جودي .. بدو مايه

ترة انداس .. حدك وانصارك يتانونك
يعباس كل جمال الله انرسم بعيونك

...

ليلة السابع .. يلواگع .. بالطف چفة
من حماستها .. غيرتها .. شو مختلفه
القاري مايتعب .. عن زينب .. تحچي العفه
من نهوسلك .. ونگلك .. يابو الكلفه

هالرجاس .. لاتظن الكربله يدنونك

يعباس كل جمال الله انرسم بعيونك



|| كلمات الشاعر المبدع : محمد الجماسي ||


تدوين : Zahraa Al obaidi