المشاهدات: 4071   المدة: 15:41   الدقة: عالية
التصنيف: صوتيات دينية   الكلمات الدلالية: مرتضى حرب
تعليق بواسطة *RÂყÂм*
ياحسين الدمعه الك حاميها
من سنه لداير سنه أجمع بيها

بيها استقبل محرم من يهل
وادري بيها الدمعه عدكم تنقبل

من سنه لداير سنه اجمع بيها
_____________________________

بدمعتي أستقبل محرم. لإن عدهم غاليه
الدمعه عند اهل المكارم. بالمراتب عاليه
ياهو أكرم من سلالة. ابو هدوم الباليه
حست ابفگده اليتامه. البعده ظلت خاليه

الدمعه من ابچيها . الزهره اريد ارضيها

باچر من انخاها تخلص حاجتي
ارضي بت طاها الرسول ابدمعتي
لكل گلب عاشگ حسين احچيها
_____________________________

حسين مو عالفطره حبـك. عن درايه ومعرفه
الما عرف معنى ابوفاضـل. خالي گلبه من الوفه
حسين إلك عباس ضحه. موقضية عاطفه
ميز الحگ عن بطلها. وقرر ابنصرك شفه

اتمرضت اخلاقهم . ابخيمة شبوا نارهم

وانه يحسين الكلام البـي ذبت
ماتعوف احبابك وهل أمنت

وأندعي ابكل دمعه من اجريها
_____________________________

اتـعلم من الطف مواعض. مدرسة ابموضوعه
بالوفه ومعنى البطوله. كربله موسوعه
اتعلمت منها الكرامه. وهامتي مرفـوعه
حسين لاماعندي صاحب. عز عليك ادموعه

الله يسلب راحتي . من ازل بحچايتي

انته معشوگي وعشگ ماينتهي
كلشي ما يلهيني بس بيك التهي

غاليه ادموعي وعليك ابچيها
_____________________________

تارس عيوني ابمحبتك. يبـو احظان الدافيه
انته سر كلشي ابحياتي. وروحي يمك غافيه
ابيتي ماتصفالي نيه. وبحضرتك صافيه
العافيه ايگولون نعمه. وحبك اهوه العافيه

مشترك بحساسي . انته صرت انفاسي

مالي كل معنى من اعوفك يالمحـب
اتعلمت امنك يبو احساس يالعـذب

الدمعه مو كل واحد ايبچيها
_____________________________

بيك احس بيك اشگد ترافه. ومنك ايغار الورد
يمك تحط الحمامه. مأمنه وماتبتعد
الما حظه بحبك خساره. كل حياته ابلا مجد
منين ما أعدك حبيبي. اول وآخر أعد

أغله من اعيوني . بيك صار اجنوني

صرت مجنونك ولا أمل هالعشگ
ياهواي انته من اعوفك اختنگ

واستلذ بسنيني الك افديها
_____________________________

جمعت دمعه اعله دمعه. وحضريت اعيوني
الوادم المجنون بسمك. گاموا ايسموني
حبك الدلاني دربي. وافتخر بجنوني
اطلب من الله من اموتن. يمك إيدفنوني

كون اموت ابابك . دفني ويه احبابك

عمري يمك ينختم امنيتي بس
ابابك اشمحلاها اشم آخر نفس

حته يمك روحي أگول افنيها

_____________________________

كلمات الشاعر : كرار البصيري