المشاهدات: 3701   المدة: 18:33   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة صفاء العامري
يـا مـحـلـه الـوداع بـهالمسيه.. وعلوم المنيه .. بين الفاطمي والفاطميه

طـب خـيـمـة الـحـره حـسـيـن واليها ..... ونادى هنا يا زينب
گعـد عـدهـا يـودعـهـا ويـسـليها ........... ونار الحزن تلهب
يـوصـيـهـا ويـسـلـم اطـفـاله بيديها ............ والخدر المرتب
الله شـمـصـيـبـه ... مـحـبـوب وحـبيبه... من تتحمس بنار الرزية

حـس گلـب الـعـقـيـلـه ودوت بـيـه النار ..... من جمر المصيبة
ونـادت يـبـن ابـويـه مـا تگلـلـي شصار ...... گلب إختك بريبه
چن الـفـلـك طـرنـه وبـالـعكس يندار ....... وچن إختك غريبه
يـابـن أمـي شـدهـانه .... من دهر الجفانه ... شتتها الشمل بالغاضريه

صـد حـسـيـن لـخـتـه والگلـوب تلوب ........ وتغيرت الحاله
ونـاداهـا الـشـهـاده فـصـلـت لـي ثوب ...... من نسج الجلاله
إلچ ثـوب الـيـسـر مـن الـعـهـد مـكتوب ..... ولخدرچ حلاله
خـلـيـنـه نـتشارك... بهالثوب المبارك... حله لخدرچ وانه مفصل عليّه

نـادت يـبـن ابـويـه بـالـعـهـد راضـيـن .... والحگ لو رضينه
ولا عـزت عـلـيـك ارواحـنـه يـحـسـيـن ..... وإنت تعز علينه
تـهـيء لـلـشـهـاده وإحـنـه مـتهيئين .............. نتنطر سبينه
إحـنـا على السعاده .... وإنت على الشهاده ... نيتنه وعسن راشده النيه

لاچن عگب عـيـنـك يـا ضـوى عـيـنـي .... خـدر إختك مماته
خـوفـي مـن الـشـمـاتـه بـسـهـم ترميني .... ولاشوف الشماته
خـلـيـنـي أرد امـوت ويـاك خـلـيـنـي ... ولاشـوف الشماته
والشامت إله سهام .... تمضي بگلب لكرام .... أمضى واشد من سهم المنية

إلـك عـنـدي أمـانـة مـن أمـك الـزهره .... هاك إسمع المضمون
لـخـوچ بـكـربـلا تـحـبـيـنـه بـصدره .... وسجيه ماي لعيون
ومـن تـجـدم مـنـيـتـه جـدمي مهره .... وخليه يجبل على الكون
هذي كربلا هاي ..... چيف البصر والراي.... وهاك إخذ الأمانه من الزجية

وصـلـتـنـي الأمـانـه يـا عـقـيـلـتـنـه .... وچني تسلمتها
وحگوگ الـوفـا وشـرط خـوتـنـه .... بـوجـودچ شـفـتـها
هـذي كـربـلا وهـذي شـهـادتـنـه ..... تـشـهـد وسـمعتها
ثـبـتـتـلچ إراده .... وتشهد لچ شهاده .... صبرج نصر دين الله ونبيه

وتـدنـى حـسـيـن لـخـتـه وشـبگتـه وتنوح ...... والونه ثجيله
گبـل جـرح الـسـهـم خـلـت بگلـبه جروح ..... وتگطع دليله
يـخـويـه خـل أبـدل ويـاك روح بـروح ....وصـد عـلى العقيله
نــاداهــا الأمــر صــار .... لــو عــمــت الأخـطـار
________________________________________

للشاعر المرحوم الشيخ : كاظم منظور الكربلائي