المشاهدات: 1371   المدة: 12:43   الدقة: عالية
التصنيف: صوتيات دينية   الكلمات الدلالية: مجتبى الكعبي، Zahraa Al obaidi
تعليق بواسطة ღ عِشق ღ
ياليل ،،
زينب أنه ابسُهادك
صرت احجي ويـ سوادك ،، ياليل

ياليل ،،
أجمع أخت بـ اخوها
سد الدرب عدوها ،، ياليل

طفت اخيامي ياليل ،، وعدونه سد الادروب
ظلام وصوت الخيول ،، گلبي منها مرعوب
ياليل وحرب الفراك ،، بيها گلبي مصيوب
طلعت ومالي كل حيل ،، ادورلي اعلى محبوب

زينب لخوها اشتاكته تريدة ،، وبعيدة
عن مصرعه والحومة متروسة
كلهه جثث وحسين ما هوة ،، وبالمروة
اتنخت اخوها بـ اه محبوسة

حسين ياخوية ،، حسين ياخوية
،،،،،،،
ياليل ،،
زينب دمعها جاري
وماهو اليطفي ناري ،، ياليل

ياليل ،،
استر خطى مشيتي
بجمر الخيم أذيتي ،، ياليل

خطوتي صعبة ياليل ،، ابنكلت جدمي جم اه
وحز بدموع العيون ،، و أخافنه الجدم تاه
عذابي وتعب الاجدام ،، وهظم كل عثرة بم عون
فدوة كله يا ليل ،، كون ابن امي الكاه

ارحم أخت ياليل مكسورة ،، ومجبورة
تطلع تريد الكبرت ابجالة
امن احتركت اخيامي وعدو جانه ،، اسمعت انه
ابن امي داست فوكة خيالة
،،،،،،،،،
ياليل ،،
عطره اقترب عليه
ومديت اله أديه ،، ياليل

ياليل ،،
هلبت عدل اشوفه
ويمد ألي جفوفه ،، ياليل

اوكفت يم عطره وبجيت ،، واتلمس بالتراب
بزينب ما بقى شوف ،، برماد امخيمي انصاب
وصلته وشاغت الروح ،، اعلى ضهره صارت الايد
ليش ابن امي مكلوب ،، اعلى صدره والگلب ذاب

ياليل گلي حسين مو هذا ،، مو هذا
حتى اطمئن وارجع ادورنه
الاخت ابأخوها تاهت وضاعت ،، عليه صاحت
الخيول هاكد ليش عذبنه
،،،،،،،
جا وين ،،
ارسومك بعد دلالي
ارحم يخوية حالي ،، جا وين

جا وين ،،
يالمرمي عالوطية
راسك يبو الحمية ،، جا وين

يبعد اختك يالحسين ،، حكي ضيعت بيك
موش شوية الجروح ،، وضمدهن وداويك
اعلى جسمك شيبت ام عون ،، تمنت موتها يصير
يالمعطش اخت موت ،، ارويني اكعد احاجيك

بجسمك ذبحت عيوني يبن امي ،، ويبس دمي
ويـ دمك انضر تنزف ايامي
اشلون امشي عنك وانت عالتربة ،، والغربة
ابدالي يدفنونك يبو اخيامي
،،،،،،،،
عباس اديب المالكي