المشاهدات: 1042   المدة: 21:57   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ღ عِشق ღ
باسم الكربلائي
قصيدة : يا زينب اتلكيه
للشاعر : ناظم الحاشي
: ليالي محرم الحرام
: ليلة 10 محرم 1446 هـ
:جامع وحسينية الرسول الاعظم - بغداد حي الإعلام
طور: امك انا يحسين

الكلمات
-
يازينب إتلَگِّيه إبني إشبيه يبچيله
بِعمامِتَه إمغَطّيه شِمأذّيه گِلّيله
بس كونه سالِم جاي
گِلّيله فِدوه الماي
بِعمامِته إمغطّيه شِمأذّيه گِلّيله

راجِع ضِوانه .. عبدالله إجانه
يازينب إتلگّيه
إبني وحبيبي .. من جَف حليبي
گِتلِچ لبوه إخذيه
گلبي يشِلعه .. من يبچي أسِمعه
إولاعندي ماي أنطيه
إتلگّيه يَعَمته .. حسين إبعبُرته
عبدالله مدري إشبيه
لازم خَبَر موزين عِد حسين شوفيلي
شو يمشي عالرجلين گُوّه حسين وَضحيلي
حاير نَظَر عيناي
گليله فِدوه الماي
بِعمامِتَه إمغطّيه شمأذّيه گِلّيله

ليش إبدَمِعته .. يمسح رگُبته
فهميني شنهو الصار
وإمغطّي نَحره .. وچفوفه حَمره
چَن بيها دَم إزغار
خَضّب لِحيته .. من دم منيته
إو رَش السِمه إبدم حار
ها يالغريبه .. لازم مصيبه
وبأمره ظل محتار
كون إبني ماي إنطاه جيش إعداه فَهميني
ليش السِبِط غَطّاه ماخَلّاه إيناغيني
مايحچي ليش وياي
گلّيله فِدوه الماي
بِعْمامِته إمغطّيه شمأذّيه گِلّيله

عاف الگرابه .. وكل الصحابه
زينب فَلا مامعقول
بالسيف أنُظره .. يحفرله گبره
لوما طفِل مكتول
إخذيني يَمّه .. راويني دَمّه
بلكت عذابي إيزول
هذا إبني عَمّه .. مِحتاجه أشِمّه
عبدالله گلبي إيگول
موبيدي لوهَمّيت لوجَنّيت مو بيدي
موبيدي لوحَبّيت لوحنّيت لوليدي
أمّه وجنوني إبهاي
گلّيله فدوه الماي
بعمامِته إمغطّيه شمأذّيه گِلّيله

ماشِفته مَرّه .. خانِگته عَبره
لو دَمعِته إبعيناه
هالمرّه شِفته .. راجع على إخته
رايدها تِتلگاه
يمشي إعله كيفه .. وعكّازه سيفه
ويتعثر ابممشاه
صارت قَناعه .. ساعَة وِداعه
عبدالله هذا وياه
لو مارجع جَنّاز ما يعتاز شَي منها
والسيفه رَد عِكّاز يَعني اعزاز دافنها
ماعندي شَك إبهاي
گليله فِدوه الماي
بِعمامِته إمغطّيه شمأذّيه گليّله

راحت تِشوفه .. عَمته العَطوفه
تمشي بگلب مجروح
يعرف عَقِلها .. واسمع يگِلها
خويه الطفل مذبوح
بس حَرّك إيده .. گطعو وريده
گلها وسمعته ينوح
گالت على أمّه .. چاوين أظُمّه
مابيها ظَلّت روح
وأسمعها گالت آه وآ وَيلاه مكسوره
طفلچ ذبيح اعداه خَلّي إغطاه مأجوره
شيلي الطِفِل بِهداي
گليله فِدوه الماي
بِعمامِته إمغطّيه شمأذّيه گِلّيله

وأصعَب مُصيبه .. جِثته السَليبه
من سيّد الطف راح
لَمّن لِگوها .. بس طَلّعوها
تِرسَوا صدرها إرماح
چَن إبني كاتِل .. مِنهُم جَحافِل
ماچَن دَمِعته إسلاح
وإبعيني شِفته .. يگطع رُگُبته
جَر خنجره الذبّاح
مّرّت عليه أهوال ماتِنگال وأحچيها
من دم رضيعي السال كون إجبال يحنيها
ياروحي للحمّاي
گلّيله فِدوه الماي
بِعمامِته إمغطّيه شِمأذّيه گِلّيله

ماكَفّه أُمَيّه .. وإبْن الدَعِيّه
گطع النَحر يا ناس
نِبشوله گَبره .. إو راسه إعله زُغره
خَلّو رُمح بالراس
وأعظم رِزِيّه .. مَرّت عليه
شِفْت العليه حُرّاس
مَيهِمها عُمره .. إدوس إعله صَدره
كِل ما إبوه ينداس
وأسمع كَسُر بِضلوع وجري إدموع عالغالي
إوگَلْب العقيله إيلوع هَم مشلوع تبرالي
يا رب رضينه إبهاي
گليله فِدوه الماي
بِعمامِته إمغطّيه شمأذّيه گِلّيله

أُم وطِفِلها .. ماخِذ عَقِلها
مِن دَمها دَم مهدور
هيچ آني صبري .. وأتمنّه نَحري
مو مَنحره المنحور
من يرضه طِفله .. واحِد يكِتله
مِن عُمره سِت إشهور
ذِبحو رَضيعي .. چي دَمّه شيعي
هذا الجَره إبعاشور
نَظرة يزيد إهناه إي والله وأقرانه
زينب حِچتها وياه من شِفناه ابديوانه
مادامه باقي الواي
گِلّيله فِدوه الماي
بِعمامِته إمغطّيه شِمأذّيه گِلّيله