المشاهدات: 1080   المدة: 6:03   الدقة: عالية
التصنيف: صوتيات دينية   الكلمات الدلالية: وليد السلطاني، Zahraa Al obaidi
تعليق بواسطة ღ عِشق ღ
ياخويه ماريد الماي .. سالم ترد كون اوياي
خويه عليك أمي الزچبه .. الماي عوفه ورد إليه

خويه ..


نخيتك وآنه دوم ابمحنتي انخاك
وسلمتك الگربه وجهزيتك الواك
رحت عني واحس الروح تمشي اوياك
تجيب الماي ظلت هالحرم برجاك

ظل الندم يبرالي .. هلبت ترد يالوالي

طولت هالغيبه عليه .. الماي عوفه ورد إليه


خويه ..


اندم والندم ماظن بعد ينفع
يبو فاضل إذا للخيمه ماترجع
عيني اعله الدرب تربي وتظل تدمع
شيهود الگلب شيهود الرضع

يا ابالفضل ناديتـك .. ترجع عليّ ياريتـك

لو صادفك سهم المنيه .. الماي عوفه ورد إليه


خويه ..


من ابعدت عني وشايل القربه
ظلت عيني بأشباح الدرب تربه
كلفه الفرگه تدري وغيبتك صعبه
عطاشه انموت ريت الماي ماشربه

ريت العطش يفني الروح .. لاعني يالغالي تروح

اصرخ و أون وافرك بديه .. الماي عوفه ورد إليه


خويه ..


انته الما ترد لأختك طلب ياحيد
ارجع للخيام ولا تروح ابعيد
عوف الماي ماي ابفرگتك ماريد
اشتظن بغيابك انته الگلب هم إيهيد !

لا ما بهيد الدلال .. بُعدك يبوفاضل طال

وبشاربك زينب وصيه .. الماي عوفه ورد إليه

خويه ..


_________________

كلمات واداء ~؛~ وليـد السلـطاني

_________________


كتابةة .~ Zahraa Al obaidi