المشاهدات: 2724   المدة: 9:51   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ღ عِشق ღ
بعالمك خليني هايم
امحلفك ابستر الفواطم

ياحَبيبــي .. ياحَبيبــي .. ياحُســين
____________________________

انته الهله وانته الهاك وانته أحلى طاري
من الخيام اتحط نار كون اعله ناري
عاللطم تتسابگ كون ايميني ويساري
غير انته روحي وظليت بالخيمه عاري

الخنصرك كون ابچي عيني .. والدي انته وانته ديني

انته عشگي .. انته عشگي واحلى دين
ياحَبيبي .. ياحَبيبي ياحُسين
____________________________

امحلفك ابچف العباس بس مدلّي چفك
جرني الحـزن درب الشام وارزقني عطفك
تقبلها اضل يـبـن الماي ضامي إعله جرفك
وانه وحگك مولاي هاضـمني طفـك

بداعة اعيون الودابع .. فدوة لا تتركني ضايع

دربي ظلمه ... دربي ظلمه أنطيني عين
ياحَبيبي ... ياحَبيبي ياحُسين
____________________________

الما سگاها ابطاريك تعطش صلاته
مثلك منو الهاي الناس عطش بناته
العايش حياته ابلياك شله بحياته
هنيال اليصير اعليك حزنه امنياته

ينشغل بس ابـغرامك
ويحترگ حرگة خيامك

وجرحه يكبر ... جرحه يكبر والونين

ياحَبيبي ... ياحَبيبي ياحُسين
____________________________

يالماترد الينخاك لو مدلك ايده
مديت ايدي ومتانيك انطيني الاريده
امشي عليك الـ بالدار ظلت وحيده
قربني منك ماريد روحي بعيده

ياحبيبي لاتردني .. لعالم احزانك اخذني

انطيني ايدك ... انطيني ايدك يالحنين
ياحَبيبي ... ياحَبيبي ياحُسين
____________________________

گلبك يمعشوگ الروح دليني دربه
يارحمة الله الـ بالگاع خطواتي غُربه
ماريد اضيع وناخيك هذا الاطلبه
رايد بعذبني الماي كون امن اشربه

اريد اظل سالفتي ونتي .. فشلة من تبرد دمعتي

انته رزقي ... انته رزقي من السنين
ياحَبيبي ... ياحَبيبي ياحُسين
____________________________

ياسيدي لو زليت جرني بيمينك
بعينك احرسني وماضاع التحرسه عينك
بداعة الصاحت يحسين ياخويه وينك
سويني خادم ملچوم ماذي ونينك

دمعي ماريدنه ينشف .. ابجفني حد ما جسمي ينلف

عن هيامك ... عن هيامك آنه وين
ياحَبيبي ... ياحَبيبي ياحُسين
____________________________


كلمات واداء ، مرتضى حرب