المشاهدات: 1441   المدة: 10:34   الدقة: عالية
التصنيف: صوتيات دينية   الكلمات الدلالية: مسلم الوائلي، Zahraa Al obaidi
تعليق بواسطة ღ عِشق ღ
الماعارف قضية حسـين .. عن الخـدمة لايحچي
الماعنده نحر مگطوع .. طبعاً عينـه ماتبـچي

يـحبيبي حُسيـن .. يـحبيبي حُسيـن

ضميرك انته شامت .. تسولف تبقى ساكت
هـاي الخدمة وهذا حسين
جرح راسم عليها .. وإذا ما ابچي بيها
ألمن الله انطاني العين

هيه السالفة من الولادة
حب حسين واجب بل عبادة

جرح يرادله شراي .. واحنا حسين شارينه
لو خيط ابعباته انصير .. كلش زايد اعلينه

يحبيبي حُسين يحبيبي حُسين


الحرم راحت سبايه .. ونهر حاضنله رايه
وعريس انزف للميدان
وخيم محترگه طاحت .. وغريبه بحومه تاهت
والمذبوح اصلاً عطشان

ابـچي اعله الحسين اتگلي كافي
وزينب يوم عاشـر تمشي حافي

الدنيا وداعتك يحسين .. ماتنعاش من دونك
من كـل گـلبي اگولنها .. هنيال اليـخدمونك

يحبيبي حُسين .يحبيبي حُسين

لإن ساكن گلبنا .. الوحيد اللي جمعنا
انه ابكل مجلس موجود
اعلموده انضحي كلشي .. اعله جاهه كلنه نمشي
ولابس لجله اهدوم السود

اريد الله عليه يرزقني دمعه
وابچي اعليه وي كل ناعي ينعه

خلني ابمجلسك يحسين .. ليله اضل حاير
والطم عالضلوع اعليك .. يالمسحوگ بالحافر

يحبيبي حُسين يحبيبي حُسين

سگه الدنيا بوريده .. تضل روحي تريده
سمع مني اشما ناديت
عزيز ابكل صفاته .. اضل عايش حياته دمعه لشباچه توديت

حسين اجروحه بالطف چانت اهواي
ضل عطشان محد چابله الماي

الخدمه ومجلسك يحسين .. هنياله العليه يتعب
تراب الدنيا نسحگ بي .. وانتو اترابكم تنحب

يحبيبي حُسين يحبيبي حُسين

ترا كل القضيه .. تسجلها الزچيه
اسم الخادم والعنوان
اشوفه ابگلبي گاعد .. عليها عندي شاهد
شايل بضلوعي النيشان

قضيه حسين ياعالم چبيره
الوحيد المات ونشال بحصيره

الطف والمصاب الصار .. هاي العين شايلته
ماصارت ابغير حسين .. مذبوح وسبوها اخته

يحبيبي حُسين يحبيبي حُسين
____________________________
كلمات الشاعر - محمد البطحاوي
…