المشاهدات: 1853   المدة: 12:40   الدقة: عالية
التصنيف: صوتيات دينية   الكلمات الدلالية: حيدر البياتي
تعليق بواسطة احمد العثمانيے
قصيدة :- ايام الحسين
أداء والحان الرادود :حيدر البياتي النجفي
كلمات الشاعر :- مصطفى العيساوي
مونتاج:- صاحب باسم - عباس اللامي
مكساج:- حسن يونس
المكان :-العراق_بصره_فاو
مجلس عزاء حسينية ام الحسن
ليلة1محرم الحرام
========================

هلت ايام حسين
حضر دموع العين
نعمه الله مسمين مجلسه
_
شهر حسين يا خدام أجانه
خدمتنه و مجالسنه امانه
هل عاشور حضر دمعة العين
گلبك شيله خل خيمه بمكانه

تهل عينك عله حسينك وخدمه الاخر انفاس
تره الخدمه الك رحمه وكفيل الخدمه عباس

كافل الطف والكون
خلهم شما يحجون
كل محرم يلكون مجلسه
____
احنه الخاطر حسين انخلقنه
ولو ماهو جا من دونه ضعنه
خل أبالك انت مجلس حسين
سوانه زلم چي بيه لطمنه

زلم صرنه وتنومسنه نصبنه الاجله عزيات
تعلمنه بمجالسنه نگل للذله هيهات

كل سنه نضل وياه
لا ابد ما ننساه
عدنه الجنه والله … مجلسه
____
عاشور السنه ما يشبه العام
هواي الموت ماخذ منه خدام
يم حسين راحو ربع الحسين
وهنياله اليصير هناك لطام

بمجالسهم مكان الهم صورهم تبقه بالعين
اليفاركنه عدل عدنه يعيش اليخدم حسين

يمه لا تسئل ليش
اخدم الهم وتعيش
صعبه ينقاس ابيش مجلسه
____
عوف الدنيه وخدم بالمجالس
وخلك واحد من ازلام عابس
من عنده تعلم معنى الانسان
انصار الوفه صارو مدارس

يعلمونك يثقفونك تصير وياهم انسان
يعلونك يرفعونك خدمتك ترفع الشان

اعلم افهم شنكول
انت وحّدك مسؤول
كل عمل بيه مقبول مجلسه
__
كل ما. هًّل علينه شهر الاحزان
ما ننسى الغريب المات عطشان
نذبحلك نهر من شوف العيون
يالضليت فوك الغبره عريان

عمت عيني. عله حسيني. صبح للخيل ميدان
والمسلب عليه ننحب نصيح حسين عطشان


واليخدمه بعاشور
عبره عنده ومكسور
الكل تگله ماجور .. مجلسه
____
مصطفى العيساوي