المشاهدات: 1117   المدة: 11:54   الدقة: عالية
التصنيف: صوتيات دينية   الكلمات الدلالية: محمد باقر الخاقاني، Zahraa Al obaidi
تعليق بواسطة ღ عِشق ღ
ليل ونظر زينب طفى
حاچت ظلامه بعبره
وين الله ويهب الهوا
و أندل أخوي بعطره
خيمه و دمع .. و ليل و درب ماينگطع
وزينب تريد المنصرع .. خيمه و دمع
هب ياهوا .. دليني أخوي بنينوى
مايحصل لعيني ضوه .. هب ياهوا

ياهوا هب من جروحه ودليني أول ماتهب
من أمس يومين صارن وأبن امي ماضاگ الشرب

أي واحسيناه .. أي واحسيناه .. أي واحسيناه

ظلمه و طفه لون النجم
هب ياهوا ودليني
خليني أشم عطره واجي
نتوادع يتانيني
طافي النجم .. وضعوني مابيهه زلم
واليل مادله جدم .. طافي النجم
عندي أخو .. يصيحولي لو غمض منو
خوفي سلب هدمه عدو .. عندي أخو

ماي حملني واخذني واتبعني شايلك نعش
المات عطشان بدفنته يخضر عله جروحه العطش

أي واحسيناه .. أي واحسيناه .. أي واحسيناه


عالتل چنت يمه الظهر
وتوني أرجعت ياليلي
ما أندل و ظلمه الوگت
وحيل الظهر مو حيلي
ظلمة ورحت .. نيشاني تل و ضيعت
لو أدري مامنه أنزلت .. ظلمه ورحت
خيل الظهر .. راوتني شي ما ينذكر
من صدره شو جابت عطر .. خيل الظهر

ركضن وانه بركضتي والتل عله ومالحگت
ياهوا للتل اخذني شيصير لو ترحم أخت

أي واحسيناه .. أي واحسيناه .. أي واحسيناه

محتاره أظل يم الحرم
والباقي من خيمه
لو اطلع وظلمه الوگت
و أمشي بدرب مو يمه
وين الدرب .. خاف أسحك الدم مو ترب
و مالگه أخو الگه الغرب .. وين الدرب
بيش أستدل .. خاف أعثر بنبلة طفل
والگه الأريده مو عدل .. بيش أستدل

أمشي وانا بلايه خيمه والحومه ماتعرف مره
ياهوا هب اعله جسمه ومشيني دمعة لمنحره

أي واحسيناه .. أي واحسيناه .. أي واحسيناه

....................................................


كلمات الشاعر : احمد اللامي