المشاهدات: 1087   المدة: 5:25   الدقة: عالية
التصنيف: صوتيات دينية   الكلمات الدلالية: محمد الحجيرات، Zahraa Al obaidi
تعليق بواسطة ღ عِشق ღ
هاك أخذ مني العهد حته المنيه

ما أعوفك لا وحق ضلع الزجيه


يالتناشدني على ديني ويقيني
جعفري وإيماني واضح من جبيني
ما أغير منهجي وباقي بيميني
قبلتي حيدر علي والزهره ديني

ولو يخلون الشمس مابين إيديه

ما اعوفك لا وحق ضلع الزجيه

☆☆☆☆☆☆☆☆☆☆☆☆

هاك إخذ من المحب جوهر كلامه
بالرسول وعترته صار إعتصامه
وبالحشر كلمن يدور عن إمامه
وإحنه ويانه علي بيوم القيامه

حته بجهنم إذا تحكم عليه

ما اعوفك لا وحق ضلع الزجيه

☆☆☆☆☆☆☆☆☆☆☆☆☆☆

أسأل الله هالعشك بيه يديمه
واسأله يتمم علي فضله ونعيمه
حين يجزي والدي وأمي العظيمه
همه ربوني على الفطره السليمه

وفطرتي تعني الولايه الحيدريه

ما اعوفك لا وحق ضلع الزجيه

☆☆☆☆☆☆☆☆☆☆☆☆☆☆

فطرتي تعني العقل مايكفي رايه
كون بأحكام الشرع عنده درايه
والشرع حطني على خط البدايه
وگـلي بس حسين مصباح الهدايه

ولن أمرني اتبعك رب البريه

ما اعوفك لا وحق ضلع الزجيه

☆☆☆☆☆☆☆☆☆☆☆☆☆☆

لهلـ سبب لا تعتجب لو شافت العين
بأربعينه اتزوره كل هاي الملايين
كلها تدري وتعتقد من منشأ الدين
ماتمس نار اللظى زوار الحسين

واسأل الصادق شيكول بهالقضيه

ما اعوفك لا وحق ضلع الزجيه

☆☆☆☆☆☆☆☆☆☆☆☆☆☆☆

اسمع شيكول ابـ هالـمقاله
يروي عن جده عن الباري تعاله
عن خصال حسين ووحده من خصاله
اعظم من الحج ثواب الي مشاله

لهلـ سبب اصبح شعار الجعفريه

ما اعوفك لا وحق ضلع الزجيه

☆☆☆☆☆☆☆☆☆☆☆☆☆☆☆☆


كلمات الشاعر - ميرزا عادل أشكناني


_______________

الكتابة..Zahraa Al obaidi/زهـراءالعبيــدي