المشاهدات: 1508   المدة: 8:26   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة احمد العثمانيے
ليلة 10 شهر محرم الحرام 1440 هـ
قصيدة: نوم العوافي
أداء: الحاج باسم الكربلائي
كلمات: الشاعر ميرزا عادل أشكناني
المكان: هيئة شباب الأكبر (ع) - لندن

كلمات القصيدة :
عالروح يوليدي غافي
نايم ابنوم العوافي
يطير الجنّة لاجن عالرمح يختار عِشَه
صم ارماد آمال او هوه فراكك يِطشَه
دمع عيني اريدن بثغرك اليابس ارشّه
لون بيدي اشلعت قلبي او حدرْ جسمك افرشه
ياللي مو طبعك تجافي
نايم ابنوم العوافي

عالروح يوليدي غافي
نايم ابنوم العوافي

قلبك يشتكي من الظمه اسم الله على قلبك
عله اذراع الابو اترفرف اديك او تنقظي نحبك
اشتطلب حرمله ها يالولد واهوه اشيطلبك
حته ابسهم المثلث وسط نحرك يصوبك
وانرمه بسهمك شغافي
نايم ابنوم العوافي

عالروح يوليدي غافي
نايم ابنوم العوافي

مشيت اويه السبّايا وراسك كبالي ألِمحه
أو شيال الروح متعمد كبالي يِلَوحه
راسك قوّه يا عبدالله ثابت فوك رمحه
اخاف من الهوه لو يعصف يحركه ويطيحه
راسك يطوف الفيافي
نايم ابنوم العوافي

عالروح يوليدي غافي
نايم ابنوم العوافي

يمن طولك غصن ما خضر أو راح امن اديه
وانتَ بضحتك تارس جنت بيتي عليه
نايم مبتسم يبني وعسه النومه هنيه
راسك عالرماح او جسمك ابحضن الزجية
كافي تمرد قلبي كافي
نايم ابنوم العوافي

عالروح يوليدي غافي
نايم ابنوم العوافي

اهز مهدك واصير اتخيلك نمت اعله طوله
انوح وخل تلوم اللّايمه وتحجي العذوله
اكابر بيش اكابر ياورد مات ابذبوله
كلهن بيه امي أو فاجده او ولهى ثكَوله
ماتت الضحكة بشفافي
نايم ابنوم العوافي

عالروح يوليدي غافي
نايم ابنوم العوافي

بعدك ماصرت قمره او وسف ذبحوا هلالك
يغافي اعله الروح جنه الوضع يبني حلالك
يمر بيك الهوه والنسمه تخجل من دلالك
يلاعب شعرك او ضايف جمال اعله جمالك
شعرك تحركه السوافي
نايم ابنوم العوافي

عالروح يوليدي غافي
نايم ابنوم العوافي