المشاهدات: 1500   المدة: 14:10   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة ღ عِشق ღ
نايم يامسية الخيل
غفيت وتيهت چم گلب هايم
نوم العافية يحسين
صايرلك ثلثّ ايام مانايم
ابصفي واشبگ بصفك
مابيك الـشبگتي ولا كتر سالم
من الزمك.. الچمك.. وادري تريد تشبگني

وا حُسينـــاه .. وا حُسينـــاه .. وا حُسينـــاه

تسعمية جرح يحسين
دخيلك هالكرم مو شي اعله گد نوحي
عمت عين الوجع والموت
انا اختك حط تسعميتك على جروحي
اجيتك جسد مابي روح
اذا محترگه اديه ومادري بـروحي

انا اختك .. ندهتك.. تگعد لو تموتني

وا حُسينـــاه .. وا حُسينـــاه .. وا حُسينـــاه

خذت گلبي ومشيت وياك
بيدي برگبتك للموت علگته
چا هذا الطعن بس بيك
ردته يموت هلبت وحده لايحته
اليموت اتموت روحه ويا
شو يحسين ميت وانا ماميته
جبتني .. أخذني .. يالمسلبني ارحمني

سحگ وجروح وانتَ اتلوج
ذني هواي كافي اعليه بس اتموت
مدري شلون رهمت هاي
اتفوت ارماح بيك وماي ماكو يفوت
شلون الخير موش ابخير
يحچي ابلايه صوت ومرة يطلع صوت

شفتني .. وصحتني .. بعدني امفتشه سامحني

هذيچ الراية طاحت والوكت فات
عليه التمن وخل نطلع ابراي
الركض مو حل شنو الحل هسه نلگاه
التريد اتعيش لحد تركض وياي
موتن من عطشچن بس التموت
عليها حسين التسولف على الماي

ارگضن ماكو حل ميتات ميتات
لا توگف الشافت وحده تنداس
لمن هالسهام التارسه الگاع
تره ابهاي السهام عيون عباس
اسكتن لو لگيتن راس الحسين
مات حسين ليش انتعب الراس
بعد كلمن طريق يروح
بدل ماننده المذبوح
شگلك يالمردت ضلوع الضلوع
جابوا نار واحنه من الهوه انخاف
اضم بأيتامك من امخاطف السوط
ايد اتضمهم وايد اعلى الچتاف
اروح البد بصفك بس يگولون
تره التلبد ابصف مسحوگ تنشاف
من گد ما منعمه الخيل صدره
الطفل مايعثر بصدره ويهبره
خافن من وكتچن يالغريبات
يالشبت عبيچن والصواوين
تره وچف الذبح عبدالله بالسيف
كلش عادي من يذبح نساوين
هذا حسين بس مو كله موجود
ذيچ هدومه بس ماهوَ الحسين

يالله اتوادعن هذا اخر وداع
موتن احسن ولا يوصل الليل
ياهي التبقى عدله من النساوين
خل اتجمع السحگتهم الخيل
مايرتاح واحد حتى لو مات
وادم بالعدل والميت اتعيل

وا حُسينـــاه .. وا حُسينـــاه .. وا حُسينـــاه

كلمات الشاعر/ أحمد المشرفاوي
تدوين /zhraolbidi