المشاهدات: 120   المدة: 5:46   الدقة: عالية
التصنيف: صوتيات دينية   الكلمات الدلالية: اداء، ابوامجدالبدوي
تعليق بواسطة ابوامجدالبدوي
من طينه يارب صوّرتني انتَ وبشرخلقيتني
ومزجيتني ابروح وعلى انجوم السماء أرقيتني

أعمى ونزل لطفك علي ضي ابمنارات البصر
وبعدالصمم سَمعيتني وأبكم چنت نَطقيتني

من الترايب والصُّلُب سويتني ابهيئة بشر
واعطيتني انتيشة عگل من الخلگ فرقيتني2

لكن جحدت ابنعمتك واستكبرت رغم العگل
وابرغم كل هٰذا الجحود اتْفَضِّلِت رزقيتني

تدعيني بس دوم ابتعدعنّك بعيد ابغفلتي
وانتَ اگرب النفسي عَلَيْ والنفسي هم سبقيتني

ياربّي آنَا اعْني البشركلها إن گلت بيك اجحدت
تدريني خالص شوگي الك لوبالجحيم ألقيتني
&&&&&&&&

لوعمري من عَصرالعِسِرينشف مثل عودالگحط
لوالتهب من العطش حامدواگول أسقيتني2

حتلوشفلّح ريجي يصبح ماأعاتب واشتكي
أدريك تهواني وطعم مرّ الوكت ذوقيتني

بعض البشرمن رهْبِتَك ياربّي تخشى المُلتقى

وانَا إلك راكض كأن من نفسي الك سرقيتني2
&&&&&&

ياربّي بس بيك العشگ يحلا وأظل عشّاگ الك
معشوگي باقي ولوأصدعنّك إلك شوقيتني2

تشقيني من اغفل واصد لحظات عنّك وابتعد
مشتاگ اظل مشتاگ الك أدريك ليش اشقيتني

ربّي وإذاتمنع علي بعض الفرح خايف علي
ولوماتوَفَّقْت ابْأَمُر بَامْرٍ أهم وفقيتني

حمداً الهٰي النعمتك حتى ابدهاليزالدّرك
عبدك واظل استعطفك مملوك لوعتقيتني


ك.محمدابوعمارالحزباوي

2018/6/1م