المشاهدات: 460   المدة: 23:31   الدقة: عالية
التصنيف: صوتيات دينية   الكلمات الدلالية: عمار الكناني، Zahraa Al obaidi
تعليق بواسطة ღ عِشق ღ
موتي سكته .. العطش ذبل خواتج نبته نبته
موتي سكته .. ولا تسألين اعلة زينب ترد يمته
اعيونج استغربت لونج
ومحد يگلج شلونج
موتي سكته

.. ١ ..
عمتج غير الدمع ما ظال منها
وتنحب ثمانين مجوين بحضنها
وگام رمل الطف گعد كله ابجفنها
تنوي تغفه وتجي حرمة مضيعه ابنها
كل طفل من المخيم شارد بناره
عمتج تركضله حافي تطفي بكتاره
السوط مابيده اعلة زينب لازم حجاره
ابجي وحدج .. لحد مادمعج يسوي العين حمرة
ابجي وحدج .. كل جدم عافج ترة ساحگلة جمرة
تفطرت كل الشفايف
اليرضع بكاروكة خايف
موتي سكته

.. ٢ ..
لا اسألين العطش ماخذ ضواهن
حطب باذن النار طفهن سولفاهن
شما تطول الگاع هم حافر وراهن
مفرهد يبشر مفرهد لو لگاهن
كلها تصرخ عمه اختي ضيعيناها
بنص رماد وليل تاهت وين نلگاها
الراحت تدور عليها تاهت وياها
سدي بابج .. وسولفي ويثياب اهاليج وعطرهم
سدي بابج .. وادعي لو روس انعم الله الطف يردهم
ياوحيده لمي عمرج
وموتي يالمحد يذكرج
موتي سكته

.. ٣ ..
حاره جفوف الشمس حرگت رسمهن
ومدري شنطوه الهوة وظل ما يمرهن
شنهي يوجعجن ولا واحد سألهن
ماكو زلمه يصيح بسك للضربهن
جبروا ازغر اذن بالطف تنطي ترجية
وكل وجه دخان غير كل معانيه
وحده تسال وحده ظلن انتي ياهية
مو رسايل .. ودي عمرج بيد اي طارش وراهن
ودي شوفج .. لان بالعين الصفع كلهن عماهن
ماكو اي سكته ابواجيهم
كربلة طاحت عليهم
موتي سكته

.. ٤ ..
جم طفل مد الها جفينه تشيله
وبگفاها جم مره تصيح دخيلة
وكعت شما يكلولج قليلة
يا عليلة عمتج كلها عليلة
اتجر طفل من جوة حافر روحه مخنوگة
اتسكت تصرخ اخته لحگي رجلي محروگة
وبين هذا وهذا هية هية تطيح مطگوگة
صبري جفنج .. وسولفي كل البروحج وي عيونج
عودي گلبج .. يحمل الفرگة لانهم مايجونج
صارت بطولج جروحج
ظاله المن عدله روحج
موتي سكته

.. ٥ ..
زينب تلمهن وهمة ايطشروهن
حالفين من البوابجي ايموتوهن
بينهن لو سولفن مايخلوهن
حتى يابويه يصيحن يمنعوهن
اتصيح اذا ضربوا يتيمة كافي عوفوها
وبحضنها اتضم احتها لا يسلبوها
زينب اكثر وحده بالطف مايرحموها
كلشي اخرس .. وگام ماينصاح بالطف بس اسمها
كلشي واگف .. بكربله اليركض يدور بس جدمها
خلي دمعج يختصرها
وياخذ عيونج گبلها
موتي سكته


كلمات :علي عويز الشويلي