المشاهدات: 17948   المدة: 13:07   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ღ عِشق ღ
تعبانات.. گلتن وحيلي انهدم
مهضومات.. رادات ابلا علم

يازينب .. يازينب

تعبانات شفتچن من اجيتن
وشفت السوط شمسوي بعبيچن
عليچن عمت عيني عليچن
شفت احبال ياخويه بديچن

من ونيت تحرك اتـراب الگبر
واشتميت ريحتـچ يـأم الخدر

يازينب .. يازينب

من ونيت خويه سمعتن
ورگضة شوگ على گبري ركضتن
گعدتن يمي من گعدتن
عطشانات لليـوم اعرفتـچن

يالوفاي صحت زينبنه اجت
لسه الماي گطره من مشربت

يازينب .. يازينب

من اركضتن يازينب عليه
عيوني هواي دورت عن رقيه
بديه الشايلها بديه
الجت وياي هسه ابيا نويه

ظلت وين العند ابوها مدلله
يالتدرين عذبتها كربله

يازينب .. يازينب

خجلانين من عنـدچ يختنه
لن جبناچ ياخويه ابختنه
گطع الروس زينب مايهمنه
درب الشام ياخويه الهضمنه

موش اولام وياچ ياخويه السبي
واهل الشام شـافوا اتــراب العبي

يازينب .. يازينب

[ عذرونه عنكم بطينه
ترى سبايا وامرنا موبدينه
وچتالكم صاير ولينه ]

الغريبات وسفه صار اسمچن
چنتن وين من چنه ابضعنچن
دمعچن ما ينزل دمعچن
لو موجود ياخويه الكفلچن

لو عباس ظال چا ما تنسبن
ما ينجاس اتراب رجلين المشن

يازينب .. يازينب

معذورين بس يابعد اختكم
لـهلي شلون من يوصل ضعنكم
هناك الناس تنشدني عنكم
وبعيـوني آنه شفتـكم

واحد طاح على الثـاني يخوتي
وفوگ رمـاح اويـاي رحتـو ابـغربتي

يازينب .. يازينب
______________________________

كلمـات وأداء : مرتضى حرب