المشاهدات: 1335   المدة: 4:28   الدقة: عالية
التصنيف: صوتيات دينية   الكلمات الدلالية: حسين فيصل
تعليق بواسطة ღ عِشق ღ
"جربتك شفت كل خير
ومنك سيدي ممنون
في حبك ماكو شك لا ريب
بيك انته العشگ مضمون"

عاشرتك عمر شفتك وحي مرسوم
شفتك حاجة فاقت عندي كل معقول
اتبعك لو چنت امشي الى المجهول
محد شاغلني بس بيك الگلب مشغول

"جربتك شفت كل خير
ومنك سيدي ممنون
في حبك ماكو شك لا ريب
بيك انته العشگ مضمون"

قريت اهواي وشفتك ثوره بين اسطور
عشگتك باختيار وبيك مامجبور
شفت نصرك عظيم ابجُرحك المشهور
منو المثلك يضم يم قبره هالجمهور

جرحك فيصل التاريخ
واسمك منتشر عالكون
كفاية الاربعين اهناك
يبو السجاد چم مليون

لغز الحب الك من اصعب الالغاز
يالحبك امر خارق مثل الاعجاز
اشلون اهواك احبك انتخيك اعتاز
وانا الما مرة شفتك يا اعز الاعزاز

ماشفتك ابد يحسين
بس ببك الگلب مفتون
ماعندي نسب وياك
واشگ جيبي عليك اشلون

"جربتك شفت كل خير
ومنك سيدي ممنون
في حبك ماكو شك لا ريب
بيك انته العشگ مضمون"

عرفت مصحفي الاقراه بيه ترتيل
واجودك ابمقامي ويبچي بي جبريل
ياصبح اليقين الي قهر كل ليل
احبك والله ماهماني قال وقيل

چذب عنك حچوا جُهال
لو بس بيك يفتهمون
يجوز ابمصرعك يحسين
يوم العاشر ايموتون

دورتك حبيبي ابـگلبي مو بالعين
لگيتك نظرتي المشتاگه للگبتين
لگيتك دمعتي المحزونه عالخدين
لگيتك كلشي بدنيتي يحسين

لگيتك عالعرش سلطان
وبس الاحرار الك يلفون
لگيتك هالة ضد الليل
لگيتك موسى ضد فرعون

" جربتك شفت كل خير
ومنك سيدي ممنون
في حبك ماكو شك لا ريب
بيك انته العشگ مضمون "

كلمات الشاعر: خليل آل إسماعيل
...