المشاهدات: 3545   المدة: 18:14   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ღ عِشق ღ
...لوحي النبي وعايش وراها
ينصب مأتم وياخذ عزاها
لافته ينعه الرسول .. عن فقد بنته البتول
ياخذ عزاها
...

يتلقه اليعزونه وجبريل الملك يمه
وابيوم العزه الثالث هوه اليقرأ الختمه
ملامح حزنه ودموعه نجمه اتهل بأثر نجمه
معذور الفگد غالي إذا بين عليّ همه

تحضر انبياء الله ابعزائه
تصبره عاللي غطاها ابردائه
ماعرف گلبه اشيگول .. عن فقد بنته البتول
ياخذ عزاها
____________________

لوحاضر عزهْ الزهراء تطفي اهمومه يادمعه
الله ايساعد المجروح والسچينه من ربعه
هاي البيها وصى وگال مني فاطمه البضعه
من كسروا ضلع منها معناها انكسر ضلعه

لوحي الدمع ماخله بي عين
راحت فرحته ويه أم الحسين
تقرع ابحزنه الطبول .. عن فقد بنته البتول
ياخذ عزاها
____________________

يغمض عينه والذكره تحاصر صفنةّ أهدابه
قبل ماينبعث للناس چان المجتمع غابه
ماچان العشم هذا بلمـا حفظوا إغيابه
بيت البي نزل جبريل قبلو يندفع بابه

يعاين بيهم إيدور الوفاله
قرآن البديهم من حلاله
يمهْ وقفتهم تطول .. عن فقد بنته البتول
ياخذ عزاها
____________________

اتخيل رسول الله واگف والرأس حاسر
وبصوته الشريف اتبان نبرةّ كسرةِ الخاطر
شيصبرهْ الإجه ايواسيه إذا نفرض لگا حاضر
شيگله جرح ويهون لو تنسه الألم باچر

لوعايش يظل عالن حداده
وبيوم المنيه إيذب سواده
ابنظرته الهَم اليجول .. عن فقد بنته البتول
ياخذ عزاها
____________________

من يدخل لذاكَ البيت بي حزن الابو الفاگد
أول مره راح ايشوف بيت أم الحسن بارد
يصد لأيتامها الغافين حيل اعيونهم راگد
يعد أهل الكسا ويلگاه من عدهم نقص واحد

من ينظر علي ودمعهْ التناثر
حيرتهم منو يصبر عالآخر
حافر أهمومه اليصول .. عن فقد بنته البتول
ياخذ عزاها
____________________

لو دافنها بيده اشلون هاي اللوعه ينساها
من ايعود روحه وياه لو يدفنها وياها
يقره الفاتحة وياسين لو ياسورة يقراها ?
ويكتب عالگبر زهراء لو يكتب گبر طه

لوعايش أظن چـا نزلت آيه
تجبـر خاطره عاللحظه هايه
علةَّ أسباب النزول .. عن فقد بنته البتول
ياخذ عزاها
____________________

والقاتل بقه مأمن عگب ما لطخ ايمينه
ولا چن قاتل الزهره مثل عين الصلف عينه
يسن ويروي عن نهج النبوه الما وفه ابدينه
لكن هيه مُهله وراح كُلشي ينتهي ابحينه

لوحي النبي ابذيچ المسيه
چا گـله لعلي عوف الوصيه
چا صدر حكمه الرسول .. عن فقد بنته البتول
ياخذ عزاها
____________________

كلمات الشاعر - إيهاب المالكي
♡