المشاهدات: 1236   المدة: 4:35   الدقة: عالية
التصنيف: صوتيات دينية   الكلمات الدلالية: حسين فيصل، Zahraa Al obaidi
تعليق بواسطة ღ عِشق ღ
ياصوت باقي للحشر
ياكاسر اغرور الشمر
يا اربع احروف ابشكل
طوفاااان

ياموسى بالطف موطنه
يالما قبل بالمرعنة
والما مشه خلفك صفه
غرگاااان

حُسين .. ياشعلة الله ابكل زمن ابقاها
حُسين .. قد خابَ والله الذي عاداها

الثار .. اعصار .. يالثارك اعاصير
لا صوت .. للموت .. وموتك وحده تكبير

___________________
يحسين .. كل عين .. مآتم لجلك اتصير
لا صوت .. للموت .. وموتك وحده تكبير
___________________

اسمك يلامس كل نبض
صوتك يهز گلب الارض
يمسكت الكل وانتَ بس
اتصيح

يالمنطقك يضوي العقل
يالموقفك قول وفعل
ماخذ من الله بـ هالنصر
تصريح

حُسين .. بيك السياسة اصبحت مضمونه
حُسين .. تنطي وعد ومحال يوم اتخونه

وياك وياك .. كلنه نشعر ابخير
لا صوت .. للموت .. وموتك وحده تكبير

___________________
يحسين .. كل عين .. مآتم لجلك اتصير
لا صوت .. للموت .. وموتك وحده تكبير
___________________

موسم عزائك من نمر
مثل الضوه ابوكت الفجر
يضوينا شهرك يا اعز
معشوگ

عاشورك من الله قبس
وبليلة الحادي النفس
تحيي ابهلاك رية
المخنوگ

حُسين .. ياريحة الزهرة النشمها ابشهرك
حُسين .. يانسمة العزة الاجت من فجرك

عاشور عاشور
موسم حزن وتنوير
لا صوت .. للموت .. وموتك وحده تكبير

___________________
يحسين .. كل عين .. مآتم لجلك اتصير
لا صوت .. للموت .. وموتك وحده تكبير
___________________

ونبچي الك حد الترف
بس نشعر ابـ معنى الشرف
وبحبك انادي ونگول
احرار
مو كسرة مو ضعف البچي
الدمعة لجلك نتچي
قائد ونعتبرك ظهـر
الانصار

حُسين .. شعبك نكون وانتَ بس تامرنه
حُسين .. عَـينك طلبناها تجي تـناظرنه

اتروح هالروح
ابكل التعابير
لا صوت .. للموت .. وموتك وحده تكبير

___________________
يحسين .. كل عين .. مآتم لجلك اتصير
لا صوت .. للموت .. وموتك وحده تكبير
___________________

شهرك وجوده ماخلص
شهرك قصيدة وانتَ نص
مايكفي في وصفك الف
ديوااان

يالمطلعك غالي وبهي
حد الحشر ماينتهي
كل المراثي آية من
قُرآآآن

حُسين .. لطمية بيك الدمعة رددناها
حُسين .. ابصوت الرميثي ابحضرتك گلناها

اشعار واطوار
يحسين ومقاصير
لا صوت .. للموت .. وموتك وحده تكبير

___________________
يحسين .. كل عين .. مآتم لجلك اتصير
لا صوت .. للموت .. وموتك وحده تكبير
___________________

كلمات الشاعر : خليل آل اسماعيل