المشاهدات: 2403   المدة: 20:36   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ღ عِشق ღ
لحظه لحظه وياها عايش
ماتفارگني صورها ... للممات

والي يدفن بيده زهره
تترك ابچفه عطرها ... ذكريات

غابت الزهره .. اوظلت الذكره


چنت وياها بالذر عايش سنين
چنت و آدم ابين الماي والطين
آنه والزهره من عالم التكوين
اعله هيئة نور واحد مستقرين
إجينه الدنيه بس ابهيئة اثنين
صفت عِشرتنه عِشرة حاجب وعين

بالسمه آلاف عشنه
وللأرض لمن نزلنه .... بالختام

عگب عشرتنه الطويله
ثمنطعش ماتمت الها ... ياحرام

خلصت العشره .. اوظلت الذكره

____________

أحن وگبال عيني امرادف اطيوف
والي بكل زاويه تذكار معروف
على الرحى أصد ومغزل الصوف
مكانه خالي ظل من ذيچ الچفوف
واشوبح عيني ع المحراب وتشوف
سجادة صلاه وثوب ملفوف

عفيه ظلت مهجة عندي
ومن عگبها زين ظليت ... بيه روح

ومن أصد للباب أنظر
دم على المسمار جامد ... مايروح

أذكر العصره .. اوظلت الذكره

____________

ترك ابريتي انفاسي الثجيله
والمفارگ بعد مينام ليله
إذا مايترس ابدمعه شليله
ردائي إعله الچتف مابيه اشيله
هدلت وصارت عظامي نحيله
اشيصبر الخل إذا عافه خليله

آه ياچف المنيه
الما خطه سهمه ورماني ... بالمُصاب

الموت عندي اهواي أسهل
من اعيش وخلي ساكن ... بالتُراب

كسرتي كسره .. اوظلت الذكره

____________

عسنها الروح لاعاشت عسنها
إذا فد لحظه عيني اتغيب عنها
زهرتّي ابيا ذنب حرموني منها
استوها اخضرت وكسروا غصنها
لچن الوردة من تبچي ابحزنها
عطر لو دمعة ينزل من جفنها

راحت وباقي عطرها
بكل زوية بداري اشمها .. وكل مكان

أي نعم باقي عطرها
برغم ماترسولي بيتي .. بالدخان

اظلمت الحُجره .. اوظلت الذكره

____________

انه بكل نايبه ثابت وقاري
عگب أم الحسن بان انكساري
عليه گام يعتب ذو الفقاري
لچن أمر الله هذا وحكمه جاري
دفنت الزهره بدموع اعتذاري
بلا روح الجسد رديت داري

حين نزلت الزچيه
بالحد حسيت گلبي ... اوياها طاح

ريت أحفر گبر ثاني
يم گبرها ومن عذابي ... أستراح

گلبي شيصبره .. اوظلت الذكره

____________

انه أول من دفن روحه ابـ لحده
وعاش بجسد بس عظمة إعله جلده
أضمد ياجرح ياجرح أشده
و انه ابشدةّ فــلا تعدلها شده
شنو حال الي چانو ناسه عنده
فتح عينه ويشاهد لنه وحده

فاطمه الزهره ومُحمد
چانو الركنين عندي ... وتالي حيف

هدوا الركنين مني
وچانت أيامي معاهم ... چنها طيف

ذبحوا العِتره .. اوظلت الذكره

____________

نون وفارگ النحبهم ضِهدنه
مواقف عدنه محفوره ابخلدنه
ذكرنه اهنانه گمنه اهنا گعدنه
بقينه اهناكه نتسامر وحدنه
اليتامه اتنادي منهو الباقي عِدنه
الحضن أمنه بعد ياهو اليردنه

واليتيمه الفگدت أمها
مايعوضها ابوها ... ابـ هالرحيل

لا حنان الدنيه كلها
يگدر إيسد خِلة أُمها ... مُستحيل

تنسه يا حسره .. اوظلت الذكره

____________

كلمات الشاعر - ميرزا عادل أشكناني

.