المشاهدات: 2567   المدة: 11:02   الدقة: عالية
التصنيف: صوتيات دينية   الكلمات الدلالية: عمار الكناني، Zahraa Al obaidi
تعليق بواسطة ღ عِشق ღ
باچر يامحله باچر
رايح لحسيني زاير

هالدرب درب المجد
ها يزاير مستعد

رايح لحسيني زاير
رايح لحسيني زاير


ها يـ أهل الهوه اوياي
وينه اليمشي مشاي
عشرين من صفر جاي
مشتاگ ازور إمامي

گاصد لأغله معشوگ
مو دم الـ بالعروگ
ينبض هالگلب شوگ
شوگي اليحرك اجدامي

عاشگ هالمسافات
صار احساسي خطوات
احسب الها لحظات
هالمشيه كل احلامي

ماشي لأرض الغوالي
هايم واحسب ليالي

للعزم يلـه نشد
ها يزاير مستعد
___________________________

باقي اعله المشي ايام
شيصبر هـالاجدام
فارگت الدرب عام
روحي اشكثر مشتاگه

أصفن واحلم ابهاي
هيچي وامشي مشاي
واتـرف رايتـي اوياي
ويه الحشود اتلاگه

روحي ابكربله اتذوب
بيها الـگلبي محبوب
اگطع ذيچ الدروب
مثل الاجت عالناگه

روحي اتواسي الأسيره
ماشي ابهاي المسيره

يلـه جـد بالخطوة جـد
ها يزاير مستعد
___________________________

حي الله الي ماشين
حي الله الملايين
زوارك يالحسين
حي الله كل مسعاهم

حي الله المحبين
حي الله المجانين
حي الله اهل الونين
دمعة وعشگ ممشهم

حي الله الموالين
حي الله المضحين
حي الله الملبين
كلهم بأمر مولاهم

دنيه حارت بأمرهم
الله عظم أجرهم

ظـل خصمهـم يرتعـد
ها يزاير مستعد
___________________________

حي الله اليخدمون
حي الله اهل الفنون
حي الله اليبذلون
كل غالي ومقدمينه

حي الله اليطعمون
حي االه الي يسگون
حي الله ال بالجفون
زايرهم امغطينه

حي الله اليتعبون
حي الله اليسهرون
حي الله الينادون
يازاير اگصد لينه

ربك هوه اصطفاهم
ياهو اليوصل غلاهم

يـلـه هدتهـم نهـد
ها يزاير مستعد
___________________________

ياحي الله رايات
بعنان السماوات
كتبوا بيها هيهات
والرايه تسبگ رايه

طلعت كلها زوار
هجرت حته الديار
منظر مثله ماصار
يامنظر المشايه

كلها اتنادي يحسين
لاحت دمعة بالعين
صرخة امن المعزين
يا اباالفضل وفايه

مروتك يالكافل اختك
يحمي المشايه بختك

وإعلـه عبـاس اعتـمد
ها يزاير مستعد
___________________________

باچر توصل أم عون
يله انزلزل الكون
تلگه ابكل شبر كون
مشايه تتلگاها

خفف عنها الألام
مجروحه ابسبي الشام
خل تنـظرنه خدام
والطف ملي امليناها

ذاكه المهدي موجود
يتفاخر بالحشود
شاف ابشيعتـه الزود
وينادي يـاحياها

يفخر بينه ويراقب
يفتر بين المواكب

وابـمضايفنـه يعد
ها يزاير مستعد

___________________________

كلمات الشاعر مازن الزبيدي