المشاهدات: 10589   المدة: 5:32   الدقة: عالية
التصنيف: صوتيات دينية   الكلمات الدلالية: مهدي العبودي
تعليق بواسطة Samer
الكلمات:

لا تخلييني وحيد وگلبي حاير
گلبي حاير حبيبي گلبي حاير
شوفتك مشبوح شوفي وعگلي طاير
عگلي طاير ياغايب عگلي طاير

انت الحبيب الذي هيمني بعيونه
وابعد عليه وتركني وانا مجنونه
هايم دليلي بغيبابه وشغلته ظنونه
هجرك سبب نوحي يامن ساكن بروحي
يااغلى من عيني يامرهم على جروحي
غايب المهدي حبيبي وانا صابر
وانا صابر واتاني وانا صابر

ياشاغل ظنوني گلبي بحزني خليته
انت الذي شوگي وغرامي ودمعي داويته
حبك ياغايب علگ بالروح شديته
وينك ياماليني وحشه بغربه سنيني
ابچي على هجرك حبيبي لاتخليني
عذبت گلبي جروحي وانا كابر
وانا اكابر واعاني وانا اكابر

نايم نجم ليلي وانا عيوني سهرانه
شله بحياته البحر لو غاب سفانه
روحي بغيابك بجت بدموع حيرانه
حبك سكن بالي والباري اعلم بحالي
نايم جفن ليلي وانا دموعي تبرالي
لو غرامك موت انا ليك اهاجر
ليك اهاجر واموتن ليك اهاجر

جنني هذا الغياب ودمعي تفسيره
وينك يانبض الگلب خليتني بحيره
حبك ملكني وهويته وماردت غيره
ساكن وسط چبدي حبك غيره ماعندي
دمي بنبض قلبي يصرخ عاشق المهدي
انت تصويرك مكانه بگلبي صاير
بگلبي صاير ياغايب بگلبي صاير