المشاهدات: 35526   المدة: 8:25   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ღ عِشق ღ
قصيدة [ كل شي راح ]

أداء: الحاج باسم الكربلائي
كلمات: الشاعر السيد عبدالخالق المحنه
التوزيع : ميشال فاضل
الهندسة الصوتية : EDOUARD MEUNIER


الكلمات
_____________

كل شي راح لحظة غيابك
واستراح گلبي ابعذابك
حتى لو ترجعلي ثاني
راح اگول طيفك اجاني


ايست ترجع يغالي
حتة لو گالوا رجع
نظرتك نظرة نهايه
ووجهك ابصدري انطبع
يمه من غابت شمسنه
بالافق نحرك طلع
انته لو باقي اعله مهرك
ليش انه گلبي وگـع

يمه خاف ... عـالغبره واگع
يمه خاف ... ضامي و تنازع

واليموت مو انته اني

راح اگول طيفك اجاني


كل شي راح لحظة غيابك
واستراح گلبي ابعذابك
حتى لو ترجعلي ثاني
راح اگول طيفك اجاني


من درت ظهرك عرفتك
للمصايب مستعد
آني ام وگلبي يعلم
باليرد والما يرد
بس گلت عباس عنده
وابني عسكر مو فرد
يعني كل شر ما يصيبك
والگمر عنده زند

خوفي لا .. ذبحوا عضيدك
خوفي لا .. گطعوا وريدك

لاتموت موت الخذاني

وراح اگول طيفك اجاني


كل شي راح لحظة غيابك
واستراح گلبي ابعذابك
حتى لو ترجعلي ثاني
راح اگول طيفك اجاني


من اطب دارك كأني
انظر ارماد الخيم
والصده يرعبني واسمع
رگـضة وسـياط وألم
مرتين اجفوفي توگـع
لو جبت طاري العلم
يبني شو گلبي لچمني
يمكن ابگلبـك سهم

بالتراب .. تسعة اصابع
بالتراب .. خنصرها ضايع

صرت اشوف واني ابمكاني

راح اگول طيفك اجاني


كل شي راح لحظة غيابك
واستراح كلبي ابعذابك
حتى لو ترجعلي ثاني
راح اكول طيفك اجاني


اكتبت مره ابطريقك
ابني رد من السفر
والهوه هب وگلبها
ولنهه مكتوبه نحر
واكتبت كلمة كفاله
وانقرت جف ونهر
واكتبت زينب اميره
واشعر ابوجهي انسطر

گلبي حاس .. زينب سبيه
گلبي حاس .. حرت من اديه

يلي ماردك حناني
راح اگول طيفك اجاني


كل شي راح لحظة غيابك
واستراح گلبي ابعذابك
حتى لو ترجعلي ثاني
راح اگول طيفك اجاني


لو صدگ ترجعلي يبني
حته افرح وابتسم
لا تظن افرح بـ أخوتك
هوه بس انته المهم
ما ترد يـحسين اعرفك
لا حقيقه ولا حلم
يـولدي وهوايه صعبه
يصفه بيتي ابلا زلم

ها يموت .. شو ما تجيني
ها يموت .. راحوا بنيني

ابني وين يلهج لساني

راح اگول طيفك اجاني


كل شي راح لحظة غيابك
واستراح گلبي ابعذابك
حتى لو ترجعلي ثاني
راح اگول طيفك اجاني


اعرفت ميت ييمه
نزلت ايدي من الدعه
والمهم راضي عليه
و راضي عن الاربعه
والله من گالولي ظهرك
منحني عـ المشرعه
انحنه ظهري ولهسه
امشي واني راكعه

اشباقي بيك .. من الحوافر
اشباقي بيك .. مو انته صاير

ليش اعيش مدري شـإجاني

راح اگول طيفك اجاني


كل شي راح لحظة غيابك
واستراح گلبي ابعذابك
حتى لو ترجعلي ثاني
راح اگول طيفك اجاني


اني مامكسور صدري
لكن اشعر بالكسر
چن عشر خياله تسحگ
صدري كل يوم الظهر
واعرفت هاي النهايه
وملتقانه بالـكـبر
والشمر گالولي بالطف
بعني زينب باليسر

ياحسين .. فدوه لترابك
ياحسين .. سلبوا ثيابك

ما اگول بعدك عماني

راح اگول طيفك اجاني


كل شي راح لحظة غيابك
واستراح گلبي ابعذابك
حتى لو ترجعلي ثاني
راح اگول طيفك اجاني


كلمات الشاعر السيد عبدالخالق المحنة


التدوين لـ Zahraa Al obaidi