المشاهدات: 947   المدة: 12:52   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة ღ عِشق ღ
كربله يعني هواي
كربله بيها دواي
كربله يعني حسين ، كربله كربله
كربله بيها امير
كربله جرحه چبير
كربله يعني حسين ، كربله كربله

مية هله بـ هذا التعب خدامك هواي
سوي المواكب عالنهر خل يتعب الماي
باچر يجي گبر الحسن لحسين مشاي

ليش، ينشد من يجينه والدموع اهوايه
ليش، ماعندي ابضريحي لا خدم لا رايه
ليش، چا يمته اعله گبري تلتم المشايه

يكبر گبري وانام ، فوگ القبة حمام
وتوديلي سلام ، كربله كربله
____________________________

يالتنـعشگ مو تنسحگ ماتفهم الناس
انطيني واحد لو دعى ينطونه عباس
فوگ الرمح ترهب چنت عود انته بس راس

راح، كل سيف اليذبحك وانته تحله رسومك
راح، وانته الدنيه كلها صلت اعله اهدومك
راح، يوگف كلشي عدنه نبچي بس ليومك

لو بالعاشر افوت ، كل ايامي تموت
ليهسه اسمع صوت ، كربله كربله
____________________________

ياگلبي شد حيل الدمع مو بس الحزام
غمضني وامشي الكربله ودخل للخيام
كون انه بالمجلس واحس لاحتني السهام

كون، ماي الگه ابخيمكم والعطش ما جاسك
كون، اعثر واليتامه تگلي حافر داسك
كون، ذباحك ذبحني وانته سالم راسك

لو ذبح انته خذاك ، تنسبي دنيا وراك
ياهوى وانته هواك ، كربله كربله
____________________________

ياگلبي حط روحك ستر لو واحد ايعيل
زينب بعدهي ابلا خيم لا ينـزل الليل
گلهم علي الاكبر رجع من تركض الخيل

طيح، گام المخيم للمخيم سافر
طيح، واتلگه الحوافر لا يعبرك حافر
طيح، سولف لليذبحك إلا اعيش العاشر

شمسوي انه عليك? ، يـ مكبرني بديك
كون امگطع اجيك ، كربله كربله
____________________________

باچر على چفوف اللطم مايعله كل صوت
يرجع ابو فاضل گمر والمشرعه اتموت
والمهدي اول مايجي للمجلس ايفوت

ماي، تشرب كل يتيمه باچر امن اعيونه
ماي، ويجيب الشريعه للخيم بمتونه
ماي، باچر عالمخيم بالهوى ايطشرونه

بيده الدنيه تصير ، بس المهدي چبير
وابفـقـاره يدير ، كربله كربله
____________________________

كلمات الشاعر: حمــزة الحِسنـاوي