المشاهدات: 593   المدة: 14:33   الدقة: عالية
التصنيف: صوتيات دينية   الكلمات الدلالية: عمار الكناني، احمد العثمانيے، Ahmed Alothmani
تعليق بواسطة احمد العثمانيے
بالخيم اجتماع
الرادود الحسيني الحاج #عمار_الكناني
كلمات: الشاعر #علي_عويز_الشويلي
مجالس شهر محرم الحرام 1446 هـ - 2024 م
عزاء هيئة شباب العقيلة عليها السلام - العراق - النجف الاشرف - الحيدرية
حسينية الحاج عبدالامير تومان
مونتاج: ثامر الزاملي
مكساج: علي الوائلي
مخطوطة: حيدر الزمان
تنفيذ: الأبرار للإنتاج الحسيني
متابعة وتنسيق: علاء السوداني
النشر الشبكي: علاء بركات العاملي - علي الفاطمي
===========================
الكلمات:

بالخيم بأمر السماوات اجتماع
حصراً اليدخل حسينيّ النخاع
قيام... هيا بنا للرمح
قتال... حتى بلوغ الفتح
بالخيم... بالخيم

أولاً... نسيطر اعلى الگاع والجو والهوى
ثانياً... شيخ الأنصار اليرف بيده اللوة
اتباشروا... الحرب عيد الله وجابه لنينوى
راح اطب للحرب خلصت لغات السلم
تحزموا... جاوبوا... ابشر يتاج الزلم
يا ذخر.. بالعمر بس انت عدنة المهم
للنفس بالدنيا صالح بس هواك
انت الأول والخلگ كلهم وراك
حسين... يواضح متضح
قتال... حتى بلوغ الفتح

بالخيم بأمر السماوات اجتماع
حصراً اليدخل حسينيّ النخاع
قيام... هيا بنا للرمح
قتال... حتى بلوغ الفتح
بالخيم... بالخيم

ثالثاً... نقاتل بتركيز والظهر بظهر
رابعاً... من شواربها الرجال انجرها جر
والعطش... خله مو يومين خيطول شهر
المسألة... بكربلاء... الله الوضع خطتي
قسّمت... واحكمت... سوح الوغى بحكمتي
للحرص... اخذوا نص... ونص اليضل حصتي
صاحوا اشهد يا اله العالمين
احنا وادم بالحسين مسودنين
نزال... يامن يجيب الصبح
قتال... حتى بلوغ الفتح

بالخيم بأمر السماوات اجتماع
حصراً اليدخل حسينيّ النخاع
قيام... هيا بنا للرمح
قتال... حتى بلوغ الفتح
بالخيم... بالخيم

خامساً... العدو انطوقه ونحاصر عسكره
سادساً... ببابه نكتب من هنا للمقبرة
والمدد.. اطمنوا ضميناله سبع الگنطرة
العادتك... صيدتك... بالصحرة بيها اختلي
بالعدو... تقاسموا.. هذا الك هذا الي
طعنتك... ضربتك... اسبقها بل يا علي
هتفوا الأنصار يحسين الأمير
وداعت الزهرة التريده يصير
بتراب... بشدة ونگوم الجرح
قتال... حتى بلوغ الفتح

بالخيم بأمر السماوات اجتماع
حصراً اليدخل حسينيّ النخاع
قيام... هيا بنا للرمح
قتال... حتى بلوغ الفتح
بالخيم... بالخيم

سابعاً... نحنگ العسكر وما ننطيه نفس
ثامناً... نسرج الزلمة ونحط فوگاه فرص
وانا اجي... منتصر واتبختر امشي بلا حرس
يا وهب... يا ذهب... في سيرته ومنهجه
لو شمر... يفتكر... من الطف سهل مخرجه
وينهزم... للنجم... يصيده ابن عوسجة
نادى ابن القين قوموا يا رجال
نبتهل ونصلي بدروع القتال
صلاة... خلف الحسين السمح
قتال... حتى بلوغ الفتح

بالخيم بأمر السماوات اجتماع
حصراً اليدخل حسينيّ النخاع
قيام... هيا بنا للرمح
قتال... حتى بلوغ الفتح
بالخيم... بالخيم

تاسعاً... لا تعذبه الجندي اخذ بس رگبته
عاشراً... من تضربه ابراسه اخسف خوذته
والبچة... نگله مو احنا اليغشنا بدمعته
الصاحبك... واعرفك... غير الفخر ما جنا
بكل صدق... نلتحق... في جانب الميمنة
لا نكل... لا نمل... لو تضل حربك سنة
عاشقينك احنا حتى الإحتراق
وياكم اعلى الموت نتسابق سباق
قرار... غير النصر ما يصح
قتال... حتى بلوغ الفتح

بالخيم بأمر السماوات اجتماع
حصراً اليدخل حسينيّ النخاع
قيام... هيا بنا للرمح
قتال... حتى بلوغ الفتح
بالخيم... بالخيم