المشاهدات: 21   المدة: 15:50   الدقة: متوسطة
التصنيف: صوتيات دينية   الكلمات الدلالية: اداء: باسم الكربلائي كلمات: ايهاب المالكي
تعليق بواسطة HAMZA ALYASIRI
قصيدة [ يا أيها الناس ]
أداء: الحاج باسم الكربلائي
كلمات: الشاعر إيهاب المالكي
المكان: العتبة الكاظمية المقدسة
************
قصيدة : يا ايها الناس
للشاعر : إيهاب المالكي
: ليالي استشهاد الإمام الكاظم (ع)
: ليلة 24 رجب 1446 هـ
: العتبة الكاظمية المقدسة - بغداد


يَا أَيُهَا النَّاس .. وصيتي
موجودة بأسرار .. منيتي
قيدي يگضي صبره صبره
ليلي موتي فجره فجره

انا الشايل چفن روحه اعله جفينه
صبر قائد رفض يخذل موالينه
رمه الطاغي سهم رايد ابگلب عينه
انا محير قوانينه وزنازينه
من حيدر أسرار .. إبائي
والظالم ايخاف .. دعائي
صوتي يربك أمره امره
ليلي موتي فجره فجره

أنا الراهب وانا العابد وأنا التقوى
خلافتهم شسع من نعلي ما تسوه
خليفتهم بلا موقف ولا نخوه
بلا قيمة إذا من العرش يهوى
يعرفني ما أخاف .. عتاته
سجنه وطوامير .. طغاته
خوفه مني عذره عذره
ليلي موتي فجره فجره

أنا الصابر رغم هذا الظلم كله
يظلموني وعليهم أضرب الذلة
إذا اصلي احسسهم بألف خِله
إذا سمعوا حديث العاشگ وخله
من عمي عباس .. ثباتي
أسجنهم ابصوت .. صلاتي
أدعي ربي نظرة نظرة
ليلي موتي فجره فجره

أنا البيه حزن من ليلة العاشر
بقه ابجرحي أثر من رضة الحافر
حزن زينب ألمها وكسرة الخاطر
ما بين الجيوش وقلة الناصر
وي صوت الأيتام .. يعمه
دخان الخيام .. أشمه
أهلي راحوا أسرى اسرى
ليلي موتي فجره فجره

إذا باچر وصل يمكم رمز نعشي
دلالتها قضيتي اويه الزمن تمشي
نصرني الله رغم سجني ورغم كلشي
ابظلم هارون ما حرك طرف رمشي
أنا من الحسين .. وجودي
تعبر عالأزمان .. حدوي
باقي ويه نحره نحره
ليلي موتي فجره فجره

أنا أنصاري عددهم ما إله كل حد
عهدهم هذا من قبل الخلق يمتد
إليعاهدنه بعد من عدنه ما يرتد
عهد ثورة عليّه رب العرش يشهد
من نمشي يحييون .. أمرنه
والبيهم انشوف .. نصرنه
الله يحمي نصره نصره
ليلي موتي فجره فجره

سجاني حزم أمره الفعل يحسم
مدفوع إبأمر من سيده المجرم
تحين فرصة واتحضر يدس السم
وأنا أنطر وعد روحي وأملها ايتم
ما يدري بالموت .. عبادة
خلقنه عشاق .. شهادة
والله نافذ أمره أمره
ليلي موتي فجره فجره