المشاهدات: 1832   المدة: 16:37   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ღ عِشق ღ
حيهم حيود المناية .. شالوا اسم حسين راية
مايهابونّ الموت .. نشامة
اتصير من ايهدونّ .. قيامة
___________________________

سمعوا أم الخدر صاحت... گاموا وماگصرو
التمو اگبال المخيم... بشري زينب حشمو
اغتاضوا وصعدت الغيرة.... أگبال زينب هوسو
گلو لزينب نطبها... ونكسر خشوم الحچو

وظل حبيب أبنَ مُضاهر..... يصيح عمچ بيها حاضر

نكسر اخشوم اعداچ بيدينه.....ذبي حملچ يـأُم عون علينه

وشالوا اسم حسين راية....
___________________________

إحنه أهلها أم عون بشريّ... لـعينچ انوگف الهـوه
اسيوف عدنه لونّ تبـرچ....تترس الهندس ضـوه
انخلي ريج الدنيه ينشف... لو نطبلهم سـوه
مشتهين الملگه كلش... يمته ينشال اللـوه

العلم لو شاله ابوفاضل.....تبين اليوم المراجل

غربة عنچ بس ليچ ولد عم.......والـدّنـاچ اتانيـه جهنم

وشالوا اسم حسين راية...
___________________________

كلهم احيود ونشامة.....اصحاب الحسين ونعم
ساتر من الزلم سوو.... حاوطو بيه الخيم
هوسو من الفرح حگهم.....غير طب راعي العلم
احيود وگفو يوم چان....الظفر يبره من اللحم

طبو اشيوخ المواقف.....وخلو الكف كله خايف

يوم شاف العباس عزمهم.....يله گلهم نصين نطرهم

وشالوا اسم حسين راية...
___________________________

الخيل ظلت يوم طبو....تذب فارسها وتفر
نگوه يتنگون ظلو.....بالعنيد وبالـنچـر
ونفخ بالصور ابوفاضل.....هدو وصار الحشر
وذب العمامه حبيب......وظل يحوم اعله الشمر

عالفرس ماچنه شايب.....طشر ابسيفه الكتايب

ولن خطف بالميدان ضوه أحمر
ثاري وداه حسين الاكبــر

وشالوا اسم حسين راية...
___________________________

الخيل فوگ الزلم تسحگ.....والأمر بيد الجبل
لو زعلّ شافوه زعلو .... قبلو اويا لو قبل
اغتاضو اصحاب الحسين....وفحل شد ظهره ابفحل
خلو الطف مالّ هيچ ...وبالزلم گوه انعدل

الأصحاب وفحل هاشم....صارت امسابگ صوارم


مالت الگاع حسين عرفها.... گـالّ داس العباس طرفها

وشالوا اسم حسين راية...
___________________________

ابظهر عابس يوم هدو.... جون خلاه اظهره
ابزودهم وبزود اخوهن....ماتون امخدره
الحومه رجفت ثاري طبها.... وصاح سبع الگنطره
لخيمة أم الخدر يوصل..... صوبها يا ابن مره!

غير موجودين اهلها .... الخيم ياهو اليوصلّ الها

الخيم محروسات بأهلهن....الاصحاب وعباس حرسهن

وشالوا اسم حسين راية...
___________________________

كلمات وأداء : مُرتضى حـرب❤️