مونتاج قصيدة [ عمه عمه.. ماكو رحمة ] - باسم الكربلائي - 1440 هــ - 2018 بواسطة *RÂყÂм* في 2019/11/4 (منذ 5 سنوات) تنزيل (9.6 MB) رابط قصيرg+ftاغلاق
المزيد من المقاطع بواسطة *RÂყÂм*
ماكو رحمه
والمشه الله يسلمه
هالعلاقة اتميزت مابين الاثنين
اخت الحسين ورقية بنت الحسين
اتسولفلها قصة حته تغمض العين
كان ماكان خدر ظل بالصواوين
ضيعونه سلبونه
هي فزعه وهيه هجمه
عمه عمه
ماكو رحمه
والمشه الله يسلمه
________________________
زمن غيرنه ابصحاري الغاضريه
المارحمني مايرحمج يارقيه
بالقصور استانست اطفال آل اميه
وبالقبائل هايمه اطفال الزجيه
استصغرونه شتمونه
واليتيم اتموته شتمه
عمه عمه
ماكو رحمه
والمشه الله يسلمه
___________________________
صدرچ ابدخان خيمتنه تنفس
والنحر من يبست اشفافچ تحسس
انتي دورتي ابوچ ومو فقط بس
هالتراچي راحت اتدور اعله محبس
بابا بابا
الدنيه غابه
صحتي لمن شفتي جسمه
عمه عمه
ماكو رحمه
والمشه الله يسلمه
___________________________
واعدچ والدج من ترجعله الأنفاس
هم يرد يشتمچ وموجود الإحساس
حته لو مايجي هوه هم يجي الراس
منحره العطشان يروي حين ينباس
والسعادة بالشهادة
الموت بس راسه تضمه
عمه عمه
ماكو رحمه
والمشه الله يسلمه
___________________________
عـالمغيسل باچر ابچفي اغسلچ
عمه سلميلي على الوالد اكلچ
الگه دم وشوك مطبوع اعله رجلچ
من خرابة للدفن بيدي احملج
يبقه گبرچ يحچي صبرچ
بويه وينك تبقه كلمه
عمه عمه
ماكو رحمه
والمشه الله يسلمه
___________________________
انه ارجع للمدينه بعد أيام
مااعوفج راح أرد وقبري بالشام
حته يمج ابقه نتشارك بالآلام
عالوعد كل سنة توصل عدنه خدام
رافضية يم رقية
توصل المرقد تشمه
عمه عمه
ماكو رحمه
والمشه الله يسلمه
___________________________
الشاعر حمزة السماوي