المشاهدات: 2633   المدة: 11:06   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ღ عِشق ღ
سـلام ، لأبـوي ، گليـله رقيـة اتحـبك اهـواي
بقيـت ، بعيـد ، بـس عطـره انـدفن ياعمتـي ويـاي

عمه الگلبه ضامي . وصليله سلامي . واحچيله اللي صار
گليله رقيه . ماتت بين اديه . ومچويتها نار
بيها احتار اخوها . چي ماغسلوها . لن بيها آثار
يفتر شايل أخته . كلها اتعذرته . ما لمته دار
يـصـيح . يـناس . ليش اختـي تموت ابحسـرة الماي
بقيـت ، بعيـد ، بس عطره انـدفن ياعمتي وياي
____________________________

گليله التحبها . چتالك يسبها . لو سألت عليك
ايضـل يركض وراها . ويطگها ابگـفاها . ومرعوبة تجيك
المشتاگه أرد أشمه . كلشي إحچـيله عمه . وگليله اشبيــدك
سابيها ظلمها . من حضنك حرمها . اشگد مشتاگه ليــك
يـشـام . اشجنيـت . مالحگت اجـازي امسـاهر ارباي
بقيـت . بعيـد . بس عطره انـدفن ياعمتي وياي
____________________________

سلـملي اعله الاكبـر . گليله اتعـذر . ماجتك تــزور
بس ابضيمي يـدري . الشال ابعينه خـدري . آه اشگد غيـور
حـگ الخوة اجيله . لا يعتـب دخيله . اليعـرف بالشعـور
اجه شـايلني بيـده . خل يعـذرني اريـده . لو عندي قصــور
يخــوي . الزمــان . خلاني غريبة ابولية إعـداي
بقيـت . بعيـد . بس عطره انـدفن ياعمتي وياي
____________________________

يـم العينـه ديره . الإسـمه ابگد ضميـره . عمـه صيـحي اجيـت
المـا يرضه دمعتّي . لو طاحت يعمتي . گليله بـچيـت
وي طيحة علمـنه . گليلـه ركضـنه .وشـگد گلنه ريـت
عمنـه هسه يگعـد . الخير ابليـه مـوعد . بس انته بطـيت

التعــال . الحبــال . سبگتها وسبونه أگعد يوفاي
بقيـت ، بعيـد ، بس عطره انـدفن ياعمتي وياي
____________________________

كلمات واداء المُـبدع : مرتضى حرب