المشاهدات: 125   المدة: 12:49   الدقة: عالية
التصنيف: صوتيات دينية   الكلمات الدلالية: اداء : خضر عباس، : محمد رسول الحميري
تعليق بواسطة hamza al-yassiri
• قصيدة [ العالم الأعلم ] - ياعلي عليني
• اداء الملا : #خضر_عباس
• الشاعر : محمد رسول الحميري
• مونتاج : محمد كاظم مجيد
• مكساج : أحمد البرمكي
• توزيع : قاسم حمادي
• تنفيذ : #مجموعة_ميامين
• الليالي الفاطمية 2024م 1446هـ
• العراق / النجف الاشرف - هيئة عزاء الله


كلمات قصيدة ( العالم الاعلم )
للشاعر محمد رسول الحميري
والرادود خضر عباس

القصيدة
--------------------
العالم الاعلم والاول الاقدم
هذا النبظ مو عل الارض يمشي بخلايا الدم
"""""""""""""""""""""""""""""""""""""""
عشكي الك دايم وابقه بشر هايم يحترك الايم
علي يا علي
فدوه الك فدوه انت شخص قدوه تسوه صدك تسوه
علي يا علي
انت سند انت ولي انت علي وتبقه علي انت بشر كامل
انت مهم انت اهم انت عِلم انت علم يمجنن العاقل
يفتهمك الشاطر يالتجبر الخاطر
ماكو ولي الا علي غيم الوفه الماطر
"""""""""""""""""""""""""""""""""""""""
هيبه الاهيه نفحه سماويه زادته قدسيه
علي يا علي
خطوته محسوبه عترته مهيوبه رحمته مطلوبه
علي يا علي
ساعه خصم ساعه محب ساعه ترف ساعه صلب
هيجي طبع سيفه
هذا لغز هذا درس هذا بشر ردله شمس
كلشي علي بكيفه
هذا علي العالي صهر النبي الغالي
حكمه وعدل كول وفعل ما رد بشر خالي
"""""""""""""""""""""""""""""""""""""""
شيعي وابن شيعي ولعلي تطبيعي كلمته تشريعي
علي يا علي
ركبتي كدامه ما غلت الهامه يامه صحت يامه
علي يا علي
لا ساوموني وبايعت لا هددوني وطبعت
لا صادروا صوتي
اني المقاوم للابد اني الحسيني من المهد
واتفاخر بموتي
ما طبعت حاشه لا عزمي يتلاشه
والينغلب وكت الحرب خل يبقه بفراشه
"""""""""""""""""""""""""""""""""""""""
حب علي قانوني والحجي بعيوني صحوتي وجنوني
علي يا علي
انذبح وراضي عندي علي القاضي خوفي فعل ماضي
علي يا علي
ينطي سلم ننطي ورد يبدي حرب نبدي حصد
شيعة علي الداحي
احنه امن احنه خطر احنه مثل زخ المطر
واليبقه مو صاحي
الدنيا خلصانه تتمنى يا خانه
ويه الزكيه الطاهره لو وي مرجانه
"""""""""""""""""""""""""""""""""""""""
ماكو هوه بدونه نعمه بلا عيونه ناصبي اليخونه
علي يا علي
دمي سجد لله وابتده امر الله ناده علي وصله
علي يا علي
خصمي يطخ يمي فرض اني سمه وهوه ارض
ينصه واضل عالي
اني سهم هوه هدف عندي علي وعندي نجف
للموت اضل غالي
اقسم ب الم نشرح نستشهد ونفرح
هوه غلط واني فقط ابقه علامة صح
"""""""""""""""""""""""""""""""""""""""
يا علي عليني لو ضعت اهديني سيدي واحميني
علي يا علي
انت بطل قصتي انته خجل كصتي انت صدك حصتي
علي يا علي
انته ولي الماله ولي اني الك وانت والي
يا نبي حنيتي
انت عشت بيه نفس انت درع وانت حرس
وانت حرز بيتي
يا واضح وصافي من زغرك توافي
يا مولا الي اسمك علي وهذا الاسم كافي

"""""""""""""""""""""""""""""""""""""""