المشاهدات: 2799   المدة: 10:21   الدقة: عالية
التصنيف: صوتيات دينية   الكلمات الدلالية: عمار الكناني
تعليق بواسطة صفاء العامري
غريب وا ويلاه .. وا ويلاه .. وا ويلاه

ابحرگه اليدگ باللطم خيعونه
ع الي صدره ابحافر ايسحگونه
ياحسين وخلهم ايلومونه
الما بچالك ريت عميه اعيونه

تعمه كون الأنظار
لو ما تبچي عالصار
گلبي مشتعل نار

يا اباعبدالله ..

سليب .. وا ويلاه .. وا ويلاه .. وا ويلاه

_____________________________

طعنه مابيه مثل طعناتك
بيتي عامر مو مثل خيماتك
عمري ماشايف مثل مأساتك
جوه راسك يمشن ابنياتك

زينب بينك وبين
عيله بس نساوين
كلها اتنادي يحسين

يا اباعبدالله

حبيب .. وا ويلاه .. وا ويلاه .. وا ويلاه

_____________________________

ياهو مثلك اهله ميعرفونه
من كثر ما غير الدم لونه
الميت اكرامه الدفن يدرونه
ما سمعنه ابميت ايسلبونه

وسفه هذا معقول
عاري عنك انكول
داست صدرك اخيول

يا اباعبدالله

عجيب .. وا ويلاه .. وا ويلاه .. وا ويلاه

_____________________________

حسين .. .. وا ويلاه .. وا ويلاه .. وا ويلاه

_____________________________

رخصت دمعي ابثواب احسيني
شنهي دمعي كون ارخص عيني
عاشرت وشگد شفت بسنيني
ما شفت ظامي لچن يرويني

فضلك سيدي اهواي
حبك يسري بدماي
ذكرك اصبح ادواي

يا اباعبدالله

طبيب .. وا ويلاه .. وا ويلاه .. وا ويلاه

_____________________________

روحي شمعة وذابت اعله احزانك
اتملكت گلبي وصبح عطشانك
ع الرمح يالرتلت قرآنك
عاجز آنه اشلون ارد احسانك

يامن ما اجازيك
اكسر خاطري اعليك
كلما سولفت بيك

يا اباعبدالله

رهيب .. وا ويلاه .. وا ويلاه .. وا ويلاه
_____________________________
شهيد .. وا ويلاه .. وا ويلاه .. وا ويلاه
_____________________________
قتيل .. وا ويلاه .. وا ويلاه .. وا ويلاه
_____________________________
حسين .. وا ويلاه .. وا ويلاه .. وا ويلاه
_____________________________
رضيع .. وا ويلاه .. وا ويلاه .. وا ويلاه
_____________________________
زينب .. وا ويلاه .. وا ويلاه .. وا ويلاه
_____________________________
حسين .. وا ويلاه .. وا ويلاه .. وا ويلاه
_____________________________


كلمات الشاعر سيـد علـي الموســوي