المشاهدات: 12   المدة: 10:50   الدقة: عالية
التصنيف: صوتيات دينية   الكلمات الدلالية: محمد باقر الخاقاني، Zahraa Al obaidi
تعليق بواسطة ღ عِشق ღ
ــــــــــــــــــــــــــــــــــــــــــــــــــــــــ
القَصيدة:غَريبة فَاطِمة
أداء:مُحمّدبَاقِر الخَاقانيّ
كلمات: انور المُوسوي
ـــــــــــــــــــــــــــــــــــــــــــــــــــــــ
غَريبة فَاطِمة وهِيَ الوِديعة
ـــــــــــــــــــــــــــــــــــــــــــــــــــــــ
ما يِنصف الزَمن.. جَاب الظَلام بباب بيت الضِوا
إنهد حيل ابو الحَسن.. وهُوَ اليسمّونه شَديد القِوىٰ !
شِلون إنجمعت الأضداد بباب الجَنّة شَبّت نار
واليِصيحون بِ إسمه دِخيل ما سَل سيفه لاهل الدَار
لسَابع جار حَقّ مَحفوظ إحترگ بيت وولا هَد جَار !
بيت الچَان.. مَهبط آيات القُرآن
واصل الشَرع والتنزيل
ب النيران.. هِجموا وضَاع الإحسان
وضَاع البِناه جبرائيل
حِرگوا بابهم وبيا شَريعة؟
غَريبة فَاطِمة وهِيَ الوِديعة
ـــــــــــــــــــــــــــــــــــــــــــــــــــــــ
حَسرة واشدّ اسَف.. مجروح گلب الزَهرة مو ايّ گلب
نَهر العَطف نشف.. مِن إنحنت مقهورة دَمعة تُصبّ
شيردّ للبيت بَسماته وهِي اُم البيت مجروحة
متألّمة وخَذوا مِنها كِل وَاحد الم رُوحه
شيسكّت نِياحتهم وگلب اُمهم عِلا نُوحه
آه ب آه.. هَـ الجرح بيّن معناه
والدَمع تاليته فراگ
يِصير وِياه.. چم اجل مُوت الزَهراء
يِموت بحسرته المشتاگ
الوَرد يِذبل إذا فاته رَبيعه
غَريبة فَاطِمة وهِيَ الوِديعة
ـــــــــــــــــــــــــــــــــــــــــــــــــــــــ
حِيرة وبِلايه حَل.. حگ الدموع اعليها ما تنحبس
شِلون الرِجس وصل.. لبيت الي اذَهب اللهُ عنهُ الرِجس
بباب الزَهرة متعوّد فقير وسائل يِدگّه
ويتيم يصيح إكفلوني ويحصّل احن ملگه
تالي يُوگف بهالباب ظالم رَايد يحرگه !
شَبّت نار.. وإحترگ بيت الكرّار
ومحدّ فِزعله يطفّيه
شَبّت نار.. وحّده إنشل ذُو الفقّار
چا حيدر شصاير بي؟
شِلون إنهدت حصون المَنيعة
غَريبة فَاطِمة وهِيَ الوِديعة
ـــــــــــــــــــــــــــــــــــــــــــــــــــــــ
للزَهرة يا نَجم.. توشّح لَياليّك حِزن وإنفجع
نَاحِلةُ الجِسم.. وإندفع عَ الزهراء باب الجِذع
فَاطِم صاحوا بهالدار شِلون النار لو وصلت
ومِن سمعت يجاوبهم "وإن "سِمعتها وإنهضمت
مُو إلها الـ" وإن"تنگال ببابها إنذكرت؟
شُوف شِلون.. افتر زَمنهم شُوف شِلون
لدار الصُميدة يطبّون
شُوف شِلون.. الچانوا لسيفه يِسجدون
هسّه بوصيته يعرفون
غَريب المُرتضىٰ يا للفجيعة
غَريبة فَاطِمة وهِيَ الوِديعة
ـــــــــــــــــــــــــــــــــــــــــــــــــــــــ